ಕಲಬುರ್ಗಿ: ದಸರಾ ಹಬ್ಬದ ಸಂದರ್ಭದಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ನೈರುತ್ಯ ರೈಲ್ವೆಯು ಬೆಂಗಳೂರಿನ ಯಲಹಂಕದಿಂದ ಬೀದರ್ಗೆ ಅಕ್ಟೋಬರ್ 4 ಹಾಗೂ 7ರಂದು ಎರಡು ಟ್ರಿಪ್ ವಿಶೇಷ ರೈಲನ್ನು (ಬೀದರ್–ಯಶವಂತಪುರ ಸುವಿಧಾ 82661–82662) ಓಡಿಸಲಿದೆ.
ಬೀದರ್ನಿಂದ ಯಲಹಂಕಕ್ಕೆ ಅ. 5 ಮತ್ತು 8ರಂದು ಈ ವಿಶೇಷ ರೈಲು ಹೊರಡಲಿದೆ.
ಅ 4ರಂದು ಸಂಜೆ 5ಕ್ಕೆ ಯಲಹಂಕದಿಂದ ಹೊರಟು ರಾಯಚೂರು, ಯಾದಗಿರಿ, ವಾಡಿ, ಕಲಬುರ್ಗಿ, ಹುಮನಾಬಾದ್ ಮಾರ್ಗವಾಗಿ ಅ 5ರಂದು ಬೆಳಿಗ್ಗೆ 8.30ಕ್ಕೆ ಬೀದರ್ ತಲುಪಲಿದೆ.
ಬೀದರ್ನಿಂದ ಅ 5ರಂದು ಸಂಜೆ 4ಕ್ಕೆ ಬೀದರ್ನಿಂದ ಹೊರಡುವ ರೈಲು ಮರುದಿನ ಬೆಳಿಗ್ಗೆ 8.40ಕ್ಕೆ ಯಲಹಂಕ ತಲುಪಲಿದೆ ಎಂದು ನೈರುತ್ಯ ರೈಲ್ವೆ ಪ್ರಕಟಣೆ ತಿಳಿಸಿದೆ.
3 ಎಸಿ ದರ್ಜೆಯ ದರ ಪ್ರತಿ ಪ್ರಯಾಣಿಕರಿಗೆ ₹ 2,510 ಇದ್ದು, ಸೆಕಂಡ್ ಕ್ಲಾಸ್ ಸ್ಲೀಪರ್ ದರ ₹ 1,100 ಇರುತ್ತದೆ. ಬೇಡಿಕೆಗೆ ತಕ್ಕಂತೆ ದರ ಹೆಚ್ಚಳವಾಗಲಿದೆ.