ಧರ್ಮಪುರ (ಹಿರಿಯೂರು ತಾಲ್ಲೂಕು): ಸಮೀಪದ ಗ್ರಾಮವೊಂದರಲ್ಲಿ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿನಿ ಮೇಲೆ ಚಿಕ್ಕಪ್ಪನೇ ಅತ್ಯಾಚಾರ ಎಸಗಿರುವುದು ತಡವಾಗಿ ಬೆಳಕಿಗೆ ಬಂದಿದೆ.
ವಿದ್ಯಾರ್ಥಿನಿಗೆ ಹೊಟ್ಟೆ ನೋವು ಬಂದಿದ್ದರಿಂದ ಪೋಷಕರು ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದು, ಪರೀಕ್ಷೆಗೆ ಒಳಪಡಿಸಿದಾಗ ವಿಷಯ ಗೊತ್ತಾಗಿದೆ.
ಬಾಲಕಿ ಮನೆ ಹತ್ತಿರವೇ ಚಿಕ್ಕಪ್ಪನ ಮನೆ ಇದೆ. ರಜೆ ದಿನಗಳು ಮತ್ತು ಶಾಲೆಯಿಂದ ಮರಳಿದಾಗ ಚಿಕ್ಕಪ್ಪನ ಮನೆ ಹತ್ತಿರ ಹೋಗುತ್ತಿದ್ದಳು. ಮನೆಯಲ್ಲಿ ಯಾರೂ ಇಲ್ಲದಾಗ ನಿರಂತರವಾಗಿ ಕೃತ್ಯಎಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
