ನಗರಸಭೆ ಕಾರ್ಯಪಾಲಕ ಎಂಜಿನಿಯರ್ ಶೇಕ್ ಫಿರೋಜ್ ಮಾತನಾಡಿ, ನೂತನ ಕಾರ್ಯಾಲಯ ಕಟ್ಟಡಕ್ಕೆ ₹4.98 ಕೋಟಿ ಅನು
ಮೋದಿತ ಮೊತ್ತವಾಗಿದ್ದು, ₹4.15 ಕೋಟಿ ಮೊತ್ತ ಟೆಂಡರ್ಗೆ ಇಡಲಾಗಿದೆ. ಎಸ್.ಎಫ್.ಸಿ. ಕಚೇರಿ ಕಟ್ಟಡ ನಿರ್ಮಾಣದ ಅನುದಾನ ₹2 ಕೋಟಿ, ಎಸ್ಎಫ್ಸಿ 2014-15ನೇ ಸಾಲಿನ ಅನುದಾನ– ₹90 ಲಕ್ಷ ಹಾಗೂ ನಗರಸಭೆಯ ಅನುದಾನ– ₹2.08 ಕೋಟಿಗಳಾಗಿವೆ. ಕಟ್ಟಡದಲ್ಲಿ ಒಟ್ಟು 3 ಮಹಡಿಗಳಿದ್ದು, ನೆಲಮಹಡಿಯಲ್ಲಿ ಪಾರ್ಕಿಂಗ್ ಮತ್ತು ಉಗ್ರಾಣ ಕೊಠಡಿಗಳು, 1ನೇ ಮಹಡಿಯಲ್ಲಿ ಅಧ್ಯಕ್ಷರು, ಪೌರಾಯುಕ್ತರು, ಆಡಳಿತ ವಿಭಾಗ, ಕಂದಾಯ ವಿಭಾಗ, ನೈರ್ಮಲ್ಯ ವಿಭಾಗಗಳು ಹಾಗೂ 2ನೇ ಮಹಡಿಯಲ್ಲಿ ಕೌನ್ಸಿಲ್ ಸಭಾಂಗಣ, ತಾಂತ್ರಿಕ ಶಾಖೆ ಮತ್ತು ದಾಖಲೆ ಕೊಠಡಿಗಳು ನಿರ್ಮಾಣವಾಗಲಿವೆ ಎಂದು ತಿಳಿಸಿದರು.