ನೀರು ನೀಡುವ ‘ಸೋಷಿಯಲ್ ಕ್ಲಬ್‌’

ಭಾನುವಾರ, ಜೂನ್ 16, 2019
22 °C

ನೀರು ನೀಡುವ ‘ಸೋಷಿಯಲ್ ಕ್ಲಬ್‌’

Published:
Updated:
Prajavani

ಶಿಗ್ಗಾವಿ: ಪಟ್ಟಣದ ಬಸವ ನಗರದಲ್ಲಿನ ‘ಶಿಗ್ಗಾವಿ ಸೋಷಿಯಲ್ ಕ್ಲಬ್‌’ ಸದಸ್ಯರು ಸುತ್ತಲಿನ 50 ಕುಟುಂಬಗಳಿಗೆ ಕಳೆದ 12 ವರ್ಷಗಳಿಂದ ಉಚಿತವಾಗಿ ನೀರು ನೀಡುತ್ತಿದ್ದಾರೆ.

ಪಟ್ಟಣದಲ್ಲಿನ 11 ನಿವೃತ್ತ ನೌಕರರು ಸೇರಿಕೊಂಡು 2000ನೇ ಇಸವಿಯಲ್ಲಿ ಕ್ಲಬ್ ಸ್ಥಾಪಿಸಿದ್ದಾರೆ. 2007ರಿಂದಲೂ ಕೊಳವೆಬಾವಿಯಿಂದ ಸ್ಥಳೀಯರಿಗೆ ಉಚಿತವಾಗಿ ನೀರು ನೀಡುತ್ತಿದ್ದಾರೆ.

‘ಬೇಸಿಗೆಯಲ್ಲಿ ಪಟ್ಟಣದಲ್ಲಿ ನೀರಿನ ಸಮಸ್ಯೆ ತೀವ್ರಗೊಳ್ಳುತ್ತಿತ್ತು. ಜನತೆ ಕುಡಿಯುವ ನೀರಿಗಾಗಿ ಪರದಾಡುತ್ತಿದ್ದರು.‌ ನಾವೆಲ್ಲ ಸೇರಿ ಕೊಳವೆಬಾವಿಯ ನೀರನ್ನು ಸಾರ್ವಜನಿಕರಿಗಾಗಿ ಹಂಚಲು ನಿರ್ಧರಿಸಿದೆವು’ ಎಂದು ಕ್ಲಬ್‌ ಅಧ್ಯಕ್ಷ ವೀರಣ್ಣ ಬಡ್ಡಿ ತಿಳಿಸಿದರು.

‘12 ವರ್ಷಗಳಿಂದಲೂ ವಿದ್ಯುತ್ ಹಾಗೂ ದುರಸ್ತಿ ವೆಚ್ಚವನ್ನು ನಾವೇ ಭರಿಸುತ್ತಿದ್ದೇವೆ. ಯಾರೇ ಬಂದರೂ ಪ್ರತಿನಿತ್ಯವೂ ಬೆಳಿಗ್ಗೆ ಮತ್ತು ಸಂಜೆ ನೀರು ನೀಡುತ್ತಿದ್ದೇವೆ’ ಎಂದು ಹಿರಿಯ ಸದಸ್ಯ ಕಾಳಿಂಗಪ್ಪ ಮಲ್ಲಪ್ಪ ಕೋನಪ್ಪನವರ ಹೇಳಿದರು.

‘ಈ ಹಿಂದೆ ಬೇಸಿಗೆಯಲ್ಲಿ ನಾವೆಲ್ಲ ಕೊಡಪಾನ ನೀರಿಗಾಗಿ ದೂರದ ಕೆರೆ, ಬಾವಿ ಹಾಗೂ ಹೊಂಡಗಳಿಗೆ ಹೋಗಬೇಕಾಗಿತ್ತು. ಕ್ಲಬ್‌ ಸದಸ್ಯರ ನೆರವಿನಿಂದಾಗಿ ನಮ್ಮ ಸಮಸ್ಯೆ ನೀಗಿದೆ’ ಎಂದು ಇಲ್ಲಿನ ನಿವಾಸಿ ಬಸಮ್ಮ ಮತ್ತಿತರರು ಕೃತಜ್ಞತೆ ವ್ಯಕ್ತಪಡಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !