ವಾಷಿಂಗ್ಟನ್: ಜಗತ್ತಿನ ಸೋಂಕಿತರ ಸಂಖ್ಯೆ ಶುಕ್ರವಾರ ಒಂದೂವರೆ ಕೋಟಿ (1,55,66,087) ದಾಟಿದೆ.ಇದೇ ವೇಳೆ 6,34,594 ಮಂದಿ ಸಾವಿಗೀಡಾಗಿದ್ದಾರೆ.
ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 40 ಲಕ್ಷ ದಾಟಿದೆ. 40,57,100 ಪ್ರಕರಣಗಳು ಅಮೆರಿಕದಲ್ಲಿ ವರದಿಯಾಗಿವೆ. ಬ್ರೆಜಿಲ್ನಲ್ಲಿ 22,87,475 ಪ್ರಕರಣಗಳಿದ್ದರೆ, ಭಾರತದಲ್ಲಿ 12,88,108 ಸೋಂಕಿತರಿದ್ದಾರೆ.
ಪಾಕಿಸ್ತಾನದಲ್ಲಿ 103ರ ವ್ಯಕ್ತಿ ಗುಣಮುಖ
ಪಾಕಿಸ್ತಾನದ 103 ವರ್ಷದ ವೃದ್ಧರೊಬ್ಬರು ಕೊರೊನಾ ವೈರಸ್ ಸೋಂಕಿನಿಂದ ಮುಕ್ತರಾಗಿದ್ದಾರೆ. ಈ ಮೂಲಕ ಅವರು ಸೋಂಕಿನಿಂದ ಗುಣಮುಖರಾದ ಜಗತ್ತಿನ ಅತಿ ಹಿರಿಯ ವ್ಯಕ್ತಿ ಎಂಬ ಮನ್ನಣೆಗೆ ಪಾತ್ರರಾಗಿದ್ದಾರೆ. ದೇಶದ ಕಳಪೆ ಆರೋಗ್ಯ ವ್ಯವಸ್ಥೆಯ ಮಧ್ಯೆಯೂ ಅವರು ಕಾಯಿಲೆಯಿಂದ ಗುಣಮುಖರಾಗಿರುವುದು ಪವಾಡವೇ ಸರಿ ಎಂದು ಸಂಬಂಧಿಗಳು, ವೈದ್ಯರು ಹೇಳಿದ್ದಾರೆ.
ಉತ್ತರ ಪಾಕಿಸ್ತಾನದ ಚಿತ್ರಾಲ್ ಜಿಲ್ಲೆಯ ಅಜೀಜ್ ಅಬ್ದುಲ್ ಅಲಿಮ್ ಕೋವಿಡ್ ಗೆದ್ದ ಹಿರಿಯ.
ಪಾಕಿಸ್ತಾನದಲ್ಲಿ ಶುಕ್ರವಾರ1,209 ಕೊರೊನಾ ವೈರಸ್ ಸೋಂಕು ಪ್ರಕರಣಗಳು ವರದಿಯಾಗಿವೆ. ಈ ಮೂಲಕ ದೇಶದ ಸೋಂಕಿತರ ಸಂಖ್ಯೆ 270,400ಕ್ಕೆ ಏರಿದೆ.
ಯೂರೋಪ್ನಲ್ಲಿ ಮಾಸ್ಕ್ ಕಡ್ಡಾಯ
ಇಂಗ್ಲೆಂಡ್ನಲ್ಲಿ ಮಾಸ್ಕ್ ಧರಿಸುವುದನ್ನು ಕಡ್ಡಾಯಗೊಳಿಸಲಾಗಿದೆ. ಶುಕ್ರವಾರದಿಂದ ಆದೇಶ ಜಾರಿಗೆ ಬಂದಿದ್ದು, ಇದನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕಾಗಿ ಸರ್ಕಾರ ತಿಳಿಸಿದೆ.