ಭಾನುವಾರ, ಆಗಸ್ಟ್ 9, 2020
21 °C

ಭಾರತದ ಭೂ ಪ್ರದೇಶಗಳನ್ನು ಒಳಗೊಂಡ ಪರಿಷ್ಕೃತ ನಕ್ಷೆ ಕಳುಹಿಸಲು ನೇಪಾಳ ಸಿದ್ಧತೆ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಕಠ್ಮಂಡು: ಭಾರತದ ಕೆಲವು ಪ್ರದೇಶಗಳನ್ನು ಒಳಗೊಂಡ ತನ್ನ ಪರಿಷ್ಕೃತ ನಕ್ಷೆಯನ್ನು ನೇಪಾಳವು ಆಗಸ್ಟ್‌ ಮಧ್ಯದಲ್ಲಿ ಭಾರತ ಮತ್ತು ಅಂತರರಾಷ್ಟ್ರೀಯ ಸಮುದಾಯಕ್ಕೆ ಕಳುಹಿಸಲು ಉದ್ದೇಶಿಸಿದೆ ಎಂದು ಅಲ್ಲಿನ ಸಚಿವರೊಬ್ಬರು ತಿಳಿಸಿದ್ದಾರೆ. ಭಾರತದ ಲಿಪುಲೇಖ್‌, ಕಾಲಾಪಾನಿ ಮತ್ತು ಲಿಂಪಿಯಾಧೂರಾ ಪ್ರದೇಶಗಳು ಪರಿಷ್ಕೃತ ನಕ್ಷೆಯಲ್ಲಿ ಸೇರಿರಲಿವೆ ಎಂದೂ ಹೇಳಿದ್ದಾರೆ.

‘ಲಿಪುಲೇಖ್‌, ಕಾಲಾಪಾನಿ ಮತ್ತು ಲಿಂಪಿಯಾಧೂರಾ ಪ್ರದೇಶಗಳನ್ನು ಒಳಗೊಂಡ ಪರಿಷ್ಕೃತ ನಕ್ಷೆಯನ್ನು ವಿಶ್ವಸಂಸ್ಥೆಯ ವಿವಿಧ ಅಂಗಸಂಸ್ಥೆಗಳು, ಭಾರತ ಸೇರಿದಂತೆ ಅಂತರರಾಷ್ಟ್ರೀಯ ಸಮುದಾಯಕ್ಕೆ ಕಳುಹಿಸುತ್ತೇವೆ. ಈ ತಿಂಗಳ ಮಧ್ಯದ ವೇಳೆಗೆ ಈ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ’ ಎಂದು ಭೂ ನಿರ್ವಹಣೆ, ಸಹಕಾರ ಮತ್ತು ಬಡತನ ನಿವಾರಣಾ ಇಲಾಖೆ ಸಚಿವೆ ಪದ್ಮಾ ಆರ್ಯಲ್‌ ಹೇಳಿದ್ದಾರೆ.

ನೇಪಾಳದ ಪರಿಷ್ಕೃತ ನಕ್ಷೆಯ 4,000 ಪ್ರತಿಗಳನ್ನು ಇಂಗ್ಲಿಷ್‌ನಲ್ಲಿ ಮುದ್ರಿಸಿ ಅಂತರರಾಷ್ಟ್ರೀಯ ಸುಮದಾಯಕ್ಕೆ ಕಳುಹಿಸುವಂತೆ ಮಾಪನ ಇಲಾಖೆಗೆ ಸೂಚಿಸಲಾಗಿದೆ.

ಇದನ್ನೂ ಓದಿ: ನೇಪಾಳ: ಪರಿಷ್ಕೃತ ಭೂಪಟಕ್ಕೆ ಅನುಮೋದನೆ, ಭಾರತದ ಭೂಭಾಗ ಒಳಗೊಂಡ ಹೊಸ ನಕ್ಷೆ

ಮಾಪನ ಇಲಾಖೆಯು ಪರೀಷ್ಕೃತ ನಕ್ಷೆಯ 25 ಸಾವಿರ ಪ್ರತಿಗಳನ್ನು ಮುದ್ರಿಸಿ ದೇಶದಾದ್ಯಂತ ವಿತರಿಸಿದೆ. ಪ್ರಾಂತೀಯ ಮತ್ತು ಸರ್ಕಾರಿ ಕಚೇರಿಗಳಿಗೆ ನಕ್ಷೆ ಪ್ರತಿಗಳನ್ನು ಉಚಿತವಾಗಿ ನೀಡಲಾಗುವುದು. ಜನರು 50 ರೂಪಾಯಿಗೆ ಖರೀದಿಸಬಹುದಾಗಿದೆ.

ನೇಪಾಳ ಸರ್ಕಾರವು ಪರಿಷ್ಕೃತ ನಕ್ಷೆಯನ್ನು ಮೇ 20ರಂದು ಬಿಡುಗಡೆ ಮಾಡಿತ್ತು.

ನೇಪಾಳದ ಏಕಪಕ್ಷೀಯ ಕ್ರಮವು ‘ಐತಿಹಾಸಿಕ ಪುರಾವೆ ಮತ್ತು ಆಧಾರಗಳನ್ನು ಆಧರಿಸಿದ್ದಲ್ಲ’ ಎಂದು ಭಾರತ ಪ್ರತಿಕ್ರಿಯಿಸಿದೆ. ಮುಂದುವರಿದು, ಈ ಕ್ರಮವು ಬಾಕಿ ಇರುವ ಗಡಿ ಸಮಸ್ಯೆಗಳನ್ನು ರಾಜತಾಂತ್ರಿಕ ಸಂವಾದದ ಮೂಲಕ ಪರಿಹರಿಸಿಕೊಳ್ಳುವ ದ್ವಿಪಕ್ಷೀಯ ಸಂಬಂಧಕ್ಕೆ ವಿರುದ್ಧವಾಗಿದೆ. ಮತ್ತು ‘ಪ್ರಾದೇಶಿಕ ಹಕ್ಕುಗಳನ್ನು ತಂತಾನೆ ವಿಸ್ತರಿಸಿಕೊಳ್ಳುವುದಕ್ಕೆ ಭಾರತ ಅವಕಾಶ ನೀಡುವುದಿಲ್ಲ’ ಎಂದು ಹೇಳಿದೆ.

ಇದನ್ನೂ ಓದಿ: ಭಾರತ–ನೇಪಾಳ ಗಡಿ ಸಂಘರ್ಷ: ಏನಿದು ವಿವಾದ, ಮತ್ತೆ ಮುನ್ನೆಲೆಗೆ ಬಂದದ್ದೇಕೆ?

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು