ಚೆಂಗ್ಡು: ಚೀನಾದ ಚೆಂಗ್ಡು ನಗರದಲ್ಲಿರುವ ಅಮೆರಿಕ ಕಾನ್ಸುಲೇಟ್ ಕಚೇರಿಯನ್ನು ಸೋಮವಾರ (ಜುಲೈ27) ಬೆಳಿಗ್ಗೆ ಅಧಿಕೃತವಾಗಿ ಬಂದ್ ಮಾಡಲು ಗಡುವು ನೀಡಲಾಗಿದ್ದು, ಭಾನುವಾರ ಬಿಗಿ ಭದ್ರತೆಯಲ್ಲಿ ಸಿಬ್ಬಂದಿ ಹೊರಬಂದರು.
ಕಾನ್ಸುಲೇಟ್ ಕಚೇರಿ ಬಳಿ ನೂರಾರು ಜನರು ಸೇರಿದ್ದರು. ಹಸಿರಿನಿಂದ ತುಂಬಿರುವ ಈ ಸ್ಥಳಭಾನುವಾರಮಿನಿ ಪ್ರವಾಸಿ ತಾಣದಂತೆ ಭಾಸವಾಗುತ್ತಿತ್ತು. ಜನರನ್ನು ಚದುರಿಸಲು ಪೊಲೀಸರು ಹರಸಾಹಸ ಪಟ್ಟರು. ಪೊಲೀಸ್ ವಾಹನಗಳನ್ನು ಹೊರತುಪಡಿಸಿ, ರಸ್ತೆ ಸಂಚಾರನ್ನು ಬಂದ್ ಮಾಡಲಾಗಿತ್ತು.
ಅಮೆರಿಕದ ಹ್ಯೂಸ್ಟನ್ ನಗರದಲ್ಲಿದ್ದ ಚೀನಾದ ಕಾನ್ಸುಲೇಟ್ ಕಚೇರಿಯನ್ನು ಮುಚ್ಚಿಸಿದ ಅಮೆರಿಕದ ಕ್ರಮಕ್ಕೆ ಪ್ರತಿಯಾಗಿ ಚೀನಾ ಈ ಕ್ರಮ ಕೈಗೊಂಡಿದೆ. ಉಭಯ ದೇಶಗಳ ಈ ಕ್ರಮ ದ್ವಿಪಕ್ಷೀಯ ಸಂಬಂಧದ ಮೇಲೆ ಅಪಾರ ಪರಿಣಾಮ ಬೀರಲಿದೆ ಎಂದು ವಿಶ್ಲೇಷಿಸಲಾಗಿದೆ.