ಪ್ಯಾರಿಸ್‌ನಲ್ಲಿ ನೌಕರರ ಪ್ರತಿಭಟನೆ: ಪ್ರವಾಸಿಗರಿಗೆ ತಟ್ಟಿದ ಬಿಸಿ

5

ಪ್ಯಾರಿಸ್‌ನಲ್ಲಿ ನೌಕರರ ಪ್ರತಿಭಟನೆ: ಪ್ರವಾಸಿಗರಿಗೆ ತಟ್ಟಿದ ಬಿಸಿ

Published:
Updated:

ಪ್ಯಾರಿಸ್‌ : ಹೊಸ ಪ್ರವೇಶಾತಿ ನೀತಿ ಕುರಿತಂತೆ ನೌಕರರ ಪ್ರತಿಭಟನೆ ಹಿನ್ನೆಲೆಯಲ್ಲಿ ಸತತ ಎರಡನೇ ದಿನವೂ ಪ್ಯಾರಿಸ್‌ನ ಐಫೆಲ್‌ ಗೋಪುರವನ್ನು ಮುಚ್ಚಲಾಗಿದೆ. ಇದರಿಂದ ಬೇಸಿಗೆ ಅವಧಿಯಲ್ಲಿ ಇದನ್ನು ನೋಡಲು ಬಂದ ಸಾವಿರಾರು ಮಂದಿ ನಿರಾಸೆ ಅನುಭವಿಸಿದರು.

ಆಡಳಿತ ಮಂಡಳಿ ಜೊತೆ ಕಾರ್ಮಿಕ ಸಂಘಟನೆಗಳು ನಡೆದ ಸಭೆ ಯಶಸ್ವಿಯಾಗದ ಕಾರಣ ಬುಧವಾರ ಮಧ್ಯಾಹ್ನದಿಂದಲೇ ಐಫೆಲ್‌ ಗೋಪುರವನ್ನು ಮುಚ್ಚಲಾಯಿತು. 

‘ನೌಕರರು ಹಾಗೂ ಆಡಳಿತ ಮಂಡಳಿ ಜೊತೆ ಬುಧವಾರ ರಾತ್ರಿ ನಡೆಸಿದ ಸಭೆ ವಿಫಲಗೊಂಡಿತ್ತು. ಗುರುವಾರ ಮತ್ತೆ ಸಭೆ ನಡೆಸಿದರೂ ಯಾವುದೇ ಪ್ರಯೋಜನವಾಗಿಲ್ಲ. ಐತಿಹಾಸಿಕ ಸ್ಮಾರಕವನ್ನು ಮುಚ್ಚಿರುವುದರಿಂದ ಪ್ಯಾರಿಸ್‌ ನಗರ ಹಾಗೂ ದೇಶದ ಮೇಲೂ ಋಣಾತ್ಮಕ ಪರಿಣಾಮ ಬೀರಿದೆ’ ಎಂದು ಆಡಳಿತ ಮಂಡಳಿ ತಿಳಿಸಿದೆ.

ದಿನದ ಅರ್ಧದಷ್ಟು ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಮುಂಚಿತವಾಗಿ ಬುಕ್ಕಿಂಗ್‌ ಮಾಡುವವರಿಗೆ ಮೀಸಲಿರಿಸುವುದನ್ನು ಖಂಡಿಸಿ ಕಾರ್ಮಿಕ ಸಂಘಟನೆಗಳು ಆಕ್ರೋಶ ವ್ಯಕ್ತಪಡಿಸಿದ್ದವು, ಇದರಿಂದ ಸಾಲಿನಲ್ಲಿ ನಿಂತು ಟಿಕೆಟ್‌ ಪಡೆಯುವವರು ಮೂರು ತಾಸಿಗೂ ಹೆಚ್ಚು ಕಾಲ ಟವರ್‌ ಏರಲು ಕಾಯುವಂತಾಗಿದೆ. 

ನಿರ್ವಹಣೆ ಕೆಲಸ ಹಾಗೂ ಇತರೆ ವಿಷಯಗಳಿಗೆ ಸಂಬಂಧಿಸಿದಂತೆ ಈ ಹಿಂದೆಯೂ ಹಲವು ಮೂನ್ನೂರಕ್ಕೂ ಅಧಿಕ ಮಂದಿ ಕಾರ್ಮಿಕರು ಪ್ರತಿಭಟನೆ ನಡೆಸಿದ್ದರು. ವಿಶ್ವದ ಅತೀ ನೆಚ್ಚಿನ ಪ್ರವಾಸಿತಾಣವಾದ ಈ ಕೇಂದ್ರಕ್ಕೆ ಪ್ರತೀ ವರ್ಷ 60ಲಕ್ಷಕ್ಕೂ ಅಧಿಕ ಮಂದಿ ಭೇಟಿ ನೀಡುತ್ತಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !