<p>ಅದು 2015ರ ಸಮಯ.. ಒಂದು ಕಡೆ ಟೆಸ್ಲಾ ಮತ್ತು ಸ್ಪೇಸ್ಎಕ್ಸ್ ಸಂಸ್ಥೆಗಳನ್ನು ಮುನ್ನಡೆಸುತ್ತಿದ್ದ ಇಲಾನ್ ಮಸ್ಕ್ ಮತ್ತು ಸಿಲಿಕಾನ್ ವ್ಯಾಲಿಯ ಅತ್ಯಂತ ಪ್ರಭಾವಶಾಲಿ ಸ್ಟಾರ್ಟ್-ಅಪ್ ಇನ್ಕ್ಯುಬೇಟರ್ ಆದ 'ವೈ ಕಾಂಬಿನೇಟರ್'ನ ಅಧ್ಯಕ್ಷ ಸ್ಯಾಮ್ ಆಲ್ಟ್ಮನ್ ಕೃತಕ ಬುದ್ಧಿಮತ್ತೆಯು (ಎಐ) ಮಾನವಕುಲದ ಅಸ್ತಿತ್ವಕ್ಕೇ ಕುತ್ತು ತರಲಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದರು. ತಂತ್ರಜ್ಞಾನ ಲೋಕದ ಈ ಇಬ್ಬರು ದೈತ್ಯರ ಹೇಳಿಕೆಯು ಚರ್ಚೆಗೆ ಕಾರಣವಾಗಿತ್ತು. </p><p>ಆದರೆ, ಅದೇ ವರ್ಷ ಸ್ಯಾಮ್ ಆಲ್ಟ್ಮನ್ ಮತ್ತು ಮಸ್ಕ್ ಸೇರಿಕೊಂಡು 'ಓಪನ್ ಎಐ' ಎಂಬ ಲಾಭರಹಿತ ಸಂಶೋಧನಾ ಪ್ರಯೋಗಾಲಯದ ಸ್ಥಾಪನೆಯನ್ನು ಘೋಷಿಸಿದರು. ಈ ಮೂಲಕ ಕೃತಕ ಬುದ್ಧಿಮತ್ತೆಯನ್ನು ಸುರಕ್ಷಿತವಾಗಿಸುವ ಮತ್ತು ಕಾರ್ಪೊರೇಟ್ ಲಾಭದ ಹೊರತಾಗಿಯೂ ಮಾನವಕುಲದ ಹಿತಾಸಕ್ತಿಗಾಗಿ ಬಳಸುವುದು ನಮ್ಮ ಉದ್ದೇಶ ಎಂದು ಹೇಳಿಕೊಂಡಿದ್ದರು. ಇಬ್ಬರೂ ಯಾವುದೇ ಲಾಭದ ಉದ್ದೇಶವಿಲ್ಲದೇ, ಈ ಕೆಲಸ ಮಾಡುತ್ತಿದ್ದರು. ಈ ಸಂಶೋಧನೆಯ ಮಾಹಿತಿಯನ್ನು ಹಂಚಿಕೊಳ್ಳುತ್ತಿದ್ದರು. ಆದರೆ, ಈ ಪಾಲುದಾರಿಕೆಯು ನ್ಯಾಯಾಲಯದ ಮೆಟ್ಟಿಲೇರುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ.</p><p>ಮಸ್ಕ್ ಮತ್ತು ಆಲ್ಟ್ಮನ್ ನಡುವಿನ ಸಂಬಂಧದಲ್ಲಿ ಮೊದಲಿನಿಂದಲೂ ಭಿನ್ನಾಭಿಪ್ರಾಯಗಳಿದ್ದವು. ಮಸ್ಕ್, ಭೂಲೋಕದ ಹೊರಗಿನ ಜಗತ್ತಿನ ಬಗ್ಗೆ ಮತ್ತು ಭವಿಷ್ಯದ ತಂತ್ರಜ್ಞಾನಗಳ ಕುರಿತು ಅತೀವ ಆಸಕ್ತಿ ಹೊಂದಿದ್ದರು. ಆದರೆ ಆಲ್ಟ್ಮನ್ ಹೆಚ್ಚಾಗಿ ಸಿಲಿಕಾನ್ ವ್ಯಾಲಿಯ ಬಗ್ಗೆ ತಲೆ ಕೆಡಿಸಿಕೊಂಡಿದ್ದರು. ಆದರೂ, ಇಬ್ಬರೂ ಮುಂದಿನ ದಿನಗಳಲ್ಲಿ ಡೀಪ್ ಲರ್ನಿಂಗ್, ಮಾನವನ ಜೀವನದ ಮೇಲೆ ಬೀರುವ ಪ್ರಭಾವಗಳನ್ನು ಗಮನಿಸಿದ್ದರು. ಅತ್ಯಾಧುನಿಕ ಎಐ ವ್ಯವಸ್ಥೆಗಳನ್ನು ಯಾರು ನಿಯಂತ್ರಿಸುತ್ತಾರೋ, ಅವರು ಇಡೀ ಪ್ರಪಂಚದ ಮೇಲೆ ಹಿಡಿತ ಹೊಂದುತ್ತಾರೆ ಎನ್ನುವುದು ಅವರಿಬ್ಬರ ಅರಿವಿಗೆ ಬಂದಿತ್ತು. </p><p>ಓಪನ್ ಎಐ ಸಾಧಾರಣ ಸಂಶೋಧನೆಯ ರೀತಿಯಲ್ಲಿ ಆರಂಭವಾಯಿತು. ಮಷಿನ್ ಲರ್ನಿಂಗ್ನ ಮೂಲಭೂತ ಸಮಸ್ಯೆಗಳ ಕುರಿತು ಅಧ್ಯಯನ ಮಾಡಿ, ಅದನ್ನು ಪ್ರಬಂಧ ಮತ್ತು ಭಾಷಣಗಳ ಮೂಲಕ ಇತರರೊಂದಿಗೆ ಹಂಚಿಕೊಳ್ಳಲಾಯಿತು. ಈ ವೇಳೆ ಅವರಿಗೆ ಸುಧಾರಿತ ಎಐ ಅಭಿವೃದ್ಧಿಪಡಿಸುವುದು ಅತ್ಯಂತ ದುಬಾರಿ ಎನ್ನುವ ಸಂಗತಿ, ಇದಕ್ಕೆ ಲಕ್ಷಾಂತರ ಡಾಲರ್ ಬಂಡವಾಳ ಅಗತ್ಯವಿದೆ ಎನ್ನುವುದು ಮನವರಿಕೆಯಾಗಿತ್ತು. ಹಾಗಾಗಿ, ಲಾಭರಹಿತ ಉದ್ದೇಶದಿಂದ ಪ್ರಾರಂಭಿಸಿದ ಇದು, ನಷ್ಟದ ಕಡೆ ಮುಖಮಾಡಿತು. ಹಾಗಾಗಿ 2018ರ ವೇಳೆಗೆ ಓಪನ್ಎಐ, ಹೂಡಿಕೆದಾರರಿಂದ ಬಂಡವಾಳವನ್ನು ಸಂಗ್ರಹಿಸಲು ಫಾರ್-ಪ್ರಾಫಿಟ್ ಸಬ್ಸಿಡಿಯರಿ ಎನ್ನುವ ಲಾಭದಾಯಕ ಅಂಗಸಂಸ್ಥೆಯನ್ನು ಸ್ಥಾಪಿಸಿತು. ಇದು ಪ್ರಾಯೋಗಿಕ ಅಗತ್ಯವೆಂದು ಬಿಂಬಿಸಲಾಯಿತು. ಆದರೆ, ಇದು ಮೂಲ ಆಶಯಕ್ಕೆ ಮಾಡಿದ ದ್ರೋಹ ಎನ್ನುವ ಕಾರಣದಿಂದ ಮಸ್ಕ್, ಅದೇ ವರ್ಷ ಮಂಡಳಿಯಿಂದ ಹೊರನಡೆದರು. ಟೆಸ್ಲಾ ಸಂಸ್ಥೆಯ ಕಡೆಗೆ ಹೆಚ್ಚಿನ ಗಮನ ಹರಿಸಬೇಕು ಎನ್ನುವ ಕಾರಣ ನೀಡಿದ್ದರು. </p><p>ಮಸ್ಕ್, ಓಪನ್ ಎಐನಿಂದ ಹೊರನಡೆದಿದ್ದು ಅಲ್ಲಿ ದೊಡ್ಡ ಕಂದಕವನ್ನೇ ಸೃಷ್ಟಿ ಮಾಡಿತ್ತು. ಅದರಲ್ಲೂ ಮಸ್ಕ್, ಸಂಸ್ಥೆಯ ನಿರ್ದೇಶನದ ಮೇಲಿನ ನಿಯಂತ್ರಣವನ್ನೇ ಕಳೆದುಕೊಂಡಿದ್ದರು. ಆದರೆ, ಆಲ್ಟ್ಮನ್ ಅವರು ಓಪನ್ ಎಐ ಅಭಿವೃದ್ಧಿಯಲ್ಲಿ ಸಂಪೂರ್ಣ ತೊಡಗಿಸಿಕೊಳ್ಳುವ ಮೂಲಕ ಸಂಸ್ಥೆಯ ಮುಖವಾಗಿ ಗುರುತಿಸಿಕೊಂಡರು. ಮಹತ್ವದ ನಿರ್ಧಾರಗಳನ್ನು ತೆಗೆದಕೊಳ್ಳುವ ಸಾಮರ್ಥ್ಯವಿದ್ದ ಅವರು, ಜಿಪಿಟಿ-2 ಬಿಡುಗಡೆಯ ಸಮಯದಲ್ಲೂ ಸುರಕ್ಷತೆಯ ಕಾರಣಗಳನ್ನು ನೀಡಿ ಅದನ್ನು ಸಾರ್ವಜನಿಕವಾಗಿ ಬಿಡುಗಡೆ ಮಾಡದಿರಲು ನಿರ್ಧರಿಸಿದ್ದರು. ಈ ನಿರ್ಧಾರವು ಆಲ್ಟ್ಮನ್ ಅವರು ಸಂಸ್ಥೆಯ ಮೇಲೆ ಹೊಂದಿದ್ದ ಹಿಡಿತವನ್ನು ಬಹಿರಂಗಗೊಳಿಸಿತ್ತು. ನಂತರ 2022ರ ನವೆಂಬರ್ನಲ್ಲಿ ಓಪನ್ಎಐ ಸಂಸ್ಥೆಯು ಚಾಟ್ಜಿಪಿಟಿಯನ್ನು ಜಗತ್ತಿಗೆ ಪರಿಚಯಿಸುವ ಮೂಲಕ ಇಂಟರ್ನೆಟ್ ಲೋಕದಲ್ಲಿ ಹೊಸ ತಲ್ಲಣಕ್ಕೆ ಕಾರಣವಾಯಿತು. ಪ್ರಬಂಧಗಳಿಂದ ಹಿಡಿದು ಕೋಡಿಂಗ್ವರೆಗೆ ಕೆಲಸ ಮಾಡಬಲ್ಲ ಇದು ಕೇವಲ ಎರಡು ತಿಂಗಳಲ್ಲಿ ಇದು 10 ಕೋಟಿ ಬಳಕೆದಾರರನ್ನು ಆಕರ್ಷಿಸಿತು. </p><p>ಇದರಿಂದಾಗಿ ಆಲ್ಟ್ಮನ್ ಅವರು ಕೃತಕ ಬುದ್ಧಿಮತ್ತೆ ಲೋಕದಲ್ಲಿ ಪ್ರಮುಖ ವ್ಯಕ್ತಿಯಾಗಿ ಹೊರಹೊಮ್ಮಿದರು. ಎಐ ಬಳಕೆ ಮತ್ತು ಸರಕ್ಷತೆಯ ಕುರಿತು ಅವರು ಹೇಳುವ ವಿವರಣೆಗಳು, ಜಾಗತಿಕ ಮನ್ನಣೆಗೆ ಕಾರಣವಾಯಿತು. ಆದರೆ, ಇದು ಮಸ್ಕ್ಗೆ ಅಸಮಾಧಾನ ಉಂಟಾಗಲು ಕಾರಣವಾಯಿತು. ಲಾಭದ ಆಸೆಯಿಂದ ಓಪನ್ ಎಐ ಸಂಸ್ಥೆಯು ತನ್ನ ಲಾಭರಹಿತ ಉದ್ದೇಶವನ್ನು ಕೈಬಿಟ್ಟಿದೆ ಎಂದು ಆರೋಪಿಸಿ 2024ರ ಮಾರ್ಚ್ನಲ್ಲಿ ಅದರ ವಿರುದ್ಧ ಮಸ್ಕ್ ಮೊಕದ್ದಮೆ ಹೂಡಿದರು. ಆದರೆ, ಈ ಕಾನೂನು ಹೋರಾಟವು ಇನ್ನೂ ಕೊನೆಗೊಂಡಿಲ್ಲ. ಅದೇ ಸಮಯದಲ್ಲೇ ಮಸ್ಕ್ ‘ಎಕ್ಸ್ ಎಐ’ಪ್ರಾರಂಭಿಸಿದರು. ಇದು ಓಪನ್ ಎಐಗೆ ಪ್ರತಿಸ್ಫರ್ಧಿಯಾಗಿ ರೂಪಿಸಲಾಗಿದೆ ಎನ್ನುವ ಆರೋಪಗಳು ಕೂಡ ಕೇಳಿಬಂದಿದ್ದವು. </p><p>ಇಬ್ಬರು ಟೆಕ್ ದೈತ್ಯರ ನಡುವಿನ ಕೃತಕ ಬುದ್ಧಿಯ ಗುದ್ದಾಟವು ಇನ್ನೂ ನ್ಯಾಯಾಲಯದ ಮೆಟ್ಟಿಲಿನಲ್ಲಿದೆ. ಆದರೆ, ಇದು ಕೃತಕ ಬುದ್ಧಿಮತ್ತೆಯನ್ನು ಲಾಭರಹಿತವಾಗಿ ಇಡಬೇಕೇ ಅಥವಾ ಬಂಡವಾಳಶಾಹಿಯನ್ನಾಗಿ ಉಪಯೋಗಿಸಬೇಕೆ ಎನ್ನುವ ಗೊಂದಲಗಳಿಗೆ ಕಾರಣವಾಗಿದೆ. </p><p><strong>ಆಧಾರ: ರಾಯಿಟರ್ಸ್, ದಿ ಗಾರ್ಡಿಯನ್, ಓಪನ್ಎಐ ಬ್ಲಾಗ್, ವಾಲ್ ಸ್ಟ್ರೀಟ್ ಜರ್ನಲ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅದು 2015ರ ಸಮಯ.. ಒಂದು ಕಡೆ ಟೆಸ್ಲಾ ಮತ್ತು ಸ್ಪೇಸ್ಎಕ್ಸ್ ಸಂಸ್ಥೆಗಳನ್ನು ಮುನ್ನಡೆಸುತ್ತಿದ್ದ ಇಲಾನ್ ಮಸ್ಕ್ ಮತ್ತು ಸಿಲಿಕಾನ್ ವ್ಯಾಲಿಯ ಅತ್ಯಂತ ಪ್ರಭಾವಶಾಲಿ ಸ್ಟಾರ್ಟ್-ಅಪ್ ಇನ್ಕ್ಯುಬೇಟರ್ ಆದ 'ವೈ ಕಾಂಬಿನೇಟರ್'ನ ಅಧ್ಯಕ್ಷ ಸ್ಯಾಮ್ ಆಲ್ಟ್ಮನ್ ಕೃತಕ ಬುದ್ಧಿಮತ್ತೆಯು (ಎಐ) ಮಾನವಕುಲದ ಅಸ್ತಿತ್ವಕ್ಕೇ ಕುತ್ತು ತರಲಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದರು. ತಂತ್ರಜ್ಞಾನ ಲೋಕದ ಈ ಇಬ್ಬರು ದೈತ್ಯರ ಹೇಳಿಕೆಯು ಚರ್ಚೆಗೆ ಕಾರಣವಾಗಿತ್ತು. </p><p>ಆದರೆ, ಅದೇ ವರ್ಷ ಸ್ಯಾಮ್ ಆಲ್ಟ್ಮನ್ ಮತ್ತು ಮಸ್ಕ್ ಸೇರಿಕೊಂಡು 'ಓಪನ್ ಎಐ' ಎಂಬ ಲಾಭರಹಿತ ಸಂಶೋಧನಾ ಪ್ರಯೋಗಾಲಯದ ಸ್ಥಾಪನೆಯನ್ನು ಘೋಷಿಸಿದರು. ಈ ಮೂಲಕ ಕೃತಕ ಬುದ್ಧಿಮತ್ತೆಯನ್ನು ಸುರಕ್ಷಿತವಾಗಿಸುವ ಮತ್ತು ಕಾರ್ಪೊರೇಟ್ ಲಾಭದ ಹೊರತಾಗಿಯೂ ಮಾನವಕುಲದ ಹಿತಾಸಕ್ತಿಗಾಗಿ ಬಳಸುವುದು ನಮ್ಮ ಉದ್ದೇಶ ಎಂದು ಹೇಳಿಕೊಂಡಿದ್ದರು. ಇಬ್ಬರೂ ಯಾವುದೇ ಲಾಭದ ಉದ್ದೇಶವಿಲ್ಲದೇ, ಈ ಕೆಲಸ ಮಾಡುತ್ತಿದ್ದರು. ಈ ಸಂಶೋಧನೆಯ ಮಾಹಿತಿಯನ್ನು ಹಂಚಿಕೊಳ್ಳುತ್ತಿದ್ದರು. ಆದರೆ, ಈ ಪಾಲುದಾರಿಕೆಯು ನ್ಯಾಯಾಲಯದ ಮೆಟ್ಟಿಲೇರುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ.</p><p>ಮಸ್ಕ್ ಮತ್ತು ಆಲ್ಟ್ಮನ್ ನಡುವಿನ ಸಂಬಂಧದಲ್ಲಿ ಮೊದಲಿನಿಂದಲೂ ಭಿನ್ನಾಭಿಪ್ರಾಯಗಳಿದ್ದವು. ಮಸ್ಕ್, ಭೂಲೋಕದ ಹೊರಗಿನ ಜಗತ್ತಿನ ಬಗ್ಗೆ ಮತ್ತು ಭವಿಷ್ಯದ ತಂತ್ರಜ್ಞಾನಗಳ ಕುರಿತು ಅತೀವ ಆಸಕ್ತಿ ಹೊಂದಿದ್ದರು. ಆದರೆ ಆಲ್ಟ್ಮನ್ ಹೆಚ್ಚಾಗಿ ಸಿಲಿಕಾನ್ ವ್ಯಾಲಿಯ ಬಗ್ಗೆ ತಲೆ ಕೆಡಿಸಿಕೊಂಡಿದ್ದರು. ಆದರೂ, ಇಬ್ಬರೂ ಮುಂದಿನ ದಿನಗಳಲ್ಲಿ ಡೀಪ್ ಲರ್ನಿಂಗ್, ಮಾನವನ ಜೀವನದ ಮೇಲೆ ಬೀರುವ ಪ್ರಭಾವಗಳನ್ನು ಗಮನಿಸಿದ್ದರು. ಅತ್ಯಾಧುನಿಕ ಎಐ ವ್ಯವಸ್ಥೆಗಳನ್ನು ಯಾರು ನಿಯಂತ್ರಿಸುತ್ತಾರೋ, ಅವರು ಇಡೀ ಪ್ರಪಂಚದ ಮೇಲೆ ಹಿಡಿತ ಹೊಂದುತ್ತಾರೆ ಎನ್ನುವುದು ಅವರಿಬ್ಬರ ಅರಿವಿಗೆ ಬಂದಿತ್ತು. </p><p>ಓಪನ್ ಎಐ ಸಾಧಾರಣ ಸಂಶೋಧನೆಯ ರೀತಿಯಲ್ಲಿ ಆರಂಭವಾಯಿತು. ಮಷಿನ್ ಲರ್ನಿಂಗ್ನ ಮೂಲಭೂತ ಸಮಸ್ಯೆಗಳ ಕುರಿತು ಅಧ್ಯಯನ ಮಾಡಿ, ಅದನ್ನು ಪ್ರಬಂಧ ಮತ್ತು ಭಾಷಣಗಳ ಮೂಲಕ ಇತರರೊಂದಿಗೆ ಹಂಚಿಕೊಳ್ಳಲಾಯಿತು. ಈ ವೇಳೆ ಅವರಿಗೆ ಸುಧಾರಿತ ಎಐ ಅಭಿವೃದ್ಧಿಪಡಿಸುವುದು ಅತ್ಯಂತ ದುಬಾರಿ ಎನ್ನುವ ಸಂಗತಿ, ಇದಕ್ಕೆ ಲಕ್ಷಾಂತರ ಡಾಲರ್ ಬಂಡವಾಳ ಅಗತ್ಯವಿದೆ ಎನ್ನುವುದು ಮನವರಿಕೆಯಾಗಿತ್ತು. ಹಾಗಾಗಿ, ಲಾಭರಹಿತ ಉದ್ದೇಶದಿಂದ ಪ್ರಾರಂಭಿಸಿದ ಇದು, ನಷ್ಟದ ಕಡೆ ಮುಖಮಾಡಿತು. ಹಾಗಾಗಿ 2018ರ ವೇಳೆಗೆ ಓಪನ್ಎಐ, ಹೂಡಿಕೆದಾರರಿಂದ ಬಂಡವಾಳವನ್ನು ಸಂಗ್ರಹಿಸಲು ಫಾರ್-ಪ್ರಾಫಿಟ್ ಸಬ್ಸಿಡಿಯರಿ ಎನ್ನುವ ಲಾಭದಾಯಕ ಅಂಗಸಂಸ್ಥೆಯನ್ನು ಸ್ಥಾಪಿಸಿತು. ಇದು ಪ್ರಾಯೋಗಿಕ ಅಗತ್ಯವೆಂದು ಬಿಂಬಿಸಲಾಯಿತು. ಆದರೆ, ಇದು ಮೂಲ ಆಶಯಕ್ಕೆ ಮಾಡಿದ ದ್ರೋಹ ಎನ್ನುವ ಕಾರಣದಿಂದ ಮಸ್ಕ್, ಅದೇ ವರ್ಷ ಮಂಡಳಿಯಿಂದ ಹೊರನಡೆದರು. ಟೆಸ್ಲಾ ಸಂಸ್ಥೆಯ ಕಡೆಗೆ ಹೆಚ್ಚಿನ ಗಮನ ಹರಿಸಬೇಕು ಎನ್ನುವ ಕಾರಣ ನೀಡಿದ್ದರು. </p><p>ಮಸ್ಕ್, ಓಪನ್ ಎಐನಿಂದ ಹೊರನಡೆದಿದ್ದು ಅಲ್ಲಿ ದೊಡ್ಡ ಕಂದಕವನ್ನೇ ಸೃಷ್ಟಿ ಮಾಡಿತ್ತು. ಅದರಲ್ಲೂ ಮಸ್ಕ್, ಸಂಸ್ಥೆಯ ನಿರ್ದೇಶನದ ಮೇಲಿನ ನಿಯಂತ್ರಣವನ್ನೇ ಕಳೆದುಕೊಂಡಿದ್ದರು. ಆದರೆ, ಆಲ್ಟ್ಮನ್ ಅವರು ಓಪನ್ ಎಐ ಅಭಿವೃದ್ಧಿಯಲ್ಲಿ ಸಂಪೂರ್ಣ ತೊಡಗಿಸಿಕೊಳ್ಳುವ ಮೂಲಕ ಸಂಸ್ಥೆಯ ಮುಖವಾಗಿ ಗುರುತಿಸಿಕೊಂಡರು. ಮಹತ್ವದ ನಿರ್ಧಾರಗಳನ್ನು ತೆಗೆದಕೊಳ್ಳುವ ಸಾಮರ್ಥ್ಯವಿದ್ದ ಅವರು, ಜಿಪಿಟಿ-2 ಬಿಡುಗಡೆಯ ಸಮಯದಲ್ಲೂ ಸುರಕ್ಷತೆಯ ಕಾರಣಗಳನ್ನು ನೀಡಿ ಅದನ್ನು ಸಾರ್ವಜನಿಕವಾಗಿ ಬಿಡುಗಡೆ ಮಾಡದಿರಲು ನಿರ್ಧರಿಸಿದ್ದರು. ಈ ನಿರ್ಧಾರವು ಆಲ್ಟ್ಮನ್ ಅವರು ಸಂಸ್ಥೆಯ ಮೇಲೆ ಹೊಂದಿದ್ದ ಹಿಡಿತವನ್ನು ಬಹಿರಂಗಗೊಳಿಸಿತ್ತು. ನಂತರ 2022ರ ನವೆಂಬರ್ನಲ್ಲಿ ಓಪನ್ಎಐ ಸಂಸ್ಥೆಯು ಚಾಟ್ಜಿಪಿಟಿಯನ್ನು ಜಗತ್ತಿಗೆ ಪರಿಚಯಿಸುವ ಮೂಲಕ ಇಂಟರ್ನೆಟ್ ಲೋಕದಲ್ಲಿ ಹೊಸ ತಲ್ಲಣಕ್ಕೆ ಕಾರಣವಾಯಿತು. ಪ್ರಬಂಧಗಳಿಂದ ಹಿಡಿದು ಕೋಡಿಂಗ್ವರೆಗೆ ಕೆಲಸ ಮಾಡಬಲ್ಲ ಇದು ಕೇವಲ ಎರಡು ತಿಂಗಳಲ್ಲಿ ಇದು 10 ಕೋಟಿ ಬಳಕೆದಾರರನ್ನು ಆಕರ್ಷಿಸಿತು. </p><p>ಇದರಿಂದಾಗಿ ಆಲ್ಟ್ಮನ್ ಅವರು ಕೃತಕ ಬುದ್ಧಿಮತ್ತೆ ಲೋಕದಲ್ಲಿ ಪ್ರಮುಖ ವ್ಯಕ್ತಿಯಾಗಿ ಹೊರಹೊಮ್ಮಿದರು. ಎಐ ಬಳಕೆ ಮತ್ತು ಸರಕ್ಷತೆಯ ಕುರಿತು ಅವರು ಹೇಳುವ ವಿವರಣೆಗಳು, ಜಾಗತಿಕ ಮನ್ನಣೆಗೆ ಕಾರಣವಾಯಿತು. ಆದರೆ, ಇದು ಮಸ್ಕ್ಗೆ ಅಸಮಾಧಾನ ಉಂಟಾಗಲು ಕಾರಣವಾಯಿತು. ಲಾಭದ ಆಸೆಯಿಂದ ಓಪನ್ ಎಐ ಸಂಸ್ಥೆಯು ತನ್ನ ಲಾಭರಹಿತ ಉದ್ದೇಶವನ್ನು ಕೈಬಿಟ್ಟಿದೆ ಎಂದು ಆರೋಪಿಸಿ 2024ರ ಮಾರ್ಚ್ನಲ್ಲಿ ಅದರ ವಿರುದ್ಧ ಮಸ್ಕ್ ಮೊಕದ್ದಮೆ ಹೂಡಿದರು. ಆದರೆ, ಈ ಕಾನೂನು ಹೋರಾಟವು ಇನ್ನೂ ಕೊನೆಗೊಂಡಿಲ್ಲ. ಅದೇ ಸಮಯದಲ್ಲೇ ಮಸ್ಕ್ ‘ಎಕ್ಸ್ ಎಐ’ಪ್ರಾರಂಭಿಸಿದರು. ಇದು ಓಪನ್ ಎಐಗೆ ಪ್ರತಿಸ್ಫರ್ಧಿಯಾಗಿ ರೂಪಿಸಲಾಗಿದೆ ಎನ್ನುವ ಆರೋಪಗಳು ಕೂಡ ಕೇಳಿಬಂದಿದ್ದವು. </p><p>ಇಬ್ಬರು ಟೆಕ್ ದೈತ್ಯರ ನಡುವಿನ ಕೃತಕ ಬುದ್ಧಿಯ ಗುದ್ದಾಟವು ಇನ್ನೂ ನ್ಯಾಯಾಲಯದ ಮೆಟ್ಟಿಲಿನಲ್ಲಿದೆ. ಆದರೆ, ಇದು ಕೃತಕ ಬುದ್ಧಿಮತ್ತೆಯನ್ನು ಲಾಭರಹಿತವಾಗಿ ಇಡಬೇಕೇ ಅಥವಾ ಬಂಡವಾಳಶಾಹಿಯನ್ನಾಗಿ ಉಪಯೋಗಿಸಬೇಕೆ ಎನ್ನುವ ಗೊಂದಲಗಳಿಗೆ ಕಾರಣವಾಗಿದೆ. </p><p><strong>ಆಧಾರ: ರಾಯಿಟರ್ಸ್, ದಿ ಗಾರ್ಡಿಯನ್, ಓಪನ್ಎಐ ಬ್ಲಾಗ್, ವಾಲ್ ಸ್ಟ್ರೀಟ್ ಜರ್ನಲ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
