ನವದೆಹಲಿ: ಸಾಮಾಜಿಕ ಮಾಧ್ಯಮ ಫೇಸ್ಬುಕ್ನ ಮಾಲೀಕ ಸಂಸ್ಥೆ 'ಮೆಟಾ ಇಂಡಿಯಾ'ದ ಮುಖ್ಯಸ್ಥ ಅಜಿತ್ ಮೋಹನ್ ಅವರು ಕಂಪನಿ ತೊರೆದಿರುವುದಾಗಿ ಮೆಟಾ ಗ್ಲೋಬಲ್ ಬ್ಯುಸಿನೆಸ್ ಗ್ರೂಪ್ನ ಉಪಾಧ್ಯಕ್ಷ ನಿಕೋಲಾ ಮೆಂಡೆಲ್ಸೋನ್ ತಿಳಿಸಿದ್ದಾರೆ.
ಅಜಿತ್ ಮೋಹನ್ ಅವರು 2019 ಜನವರಿಯಲ್ಲಿ ಭಾರತೀಯ ಮಾರುಕಟ್ಟೆ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕರಾಗಿ ಮೆಟಾ ಸೇರಿದ್ದರು. ಅದಕ್ಕೂ ಹಿಂದೆ ಉಮಂಗ್ ಬೇಡಿ ಅವರು, ಈ ಸ್ಥಾನ ನಿಭಾಯಿಸಿದ್ದರು.
ಬಲ್ಲ ಮೂಲಗಳ ಮಾಹಿತಿ ಪ್ರಕಾರ ಅಜಿತ್ ಅವರು ಸಾಮಾಜಿಕ ಮಾಧ್ಯಮ ‘ಸ್ನ್ಯಾಪ್’ಗೆ ಸೇರಲಿದ್ದಾರೆ ಎನ್ನಲಾಗಿದೆ. ಅಲ್ಲಿ ಅವರು ಏಷ್ಯಾ–ಪೆಸಿಫಿಕ್ ವಿಭಾಗದ ಅಧ್ಯಕ್ಷರಾಗಲಿದ್ದಾರೆ ಎಂದು ತಿಳಿದು ಬಂದಿದೆ.