<p>ಜಗತ್ತಿನಲ್ಲಿ ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಫೇಸ್ಬುಕ್, ವಾಟ್ಸಪ್ ‘ಮೆಟಾ ಸಬ್ಸ್ಕ್ರಿಪ್ಷನ್’ಗೆ ಮುಂದಾಗಿವೆ. </p><p>ಮೆಟಾ ಸಂಸ್ಥೆಯು ತನ್ನ ಬಳಕೆದಾರರಿಗಾಗಿ ಪ್ರೀಮಿಯಂ ಸೇವೆಯನ್ನು ಕಲ್ಪಿಸಿದ್ದು, ‘ಮೆಟಾ ಒನ್’ ಹೆಸರಿನಲ್ಲಿ ಇದನ್ನು ಜಾರಿ ಮಾಡಲು ನಿರ್ಧರಿಸಿದೆ. ಇದು ಹಣ ಪಾವತಿಸಿ ಪಡೆಯಬಹುದಾದ ಪ್ರೀಮಿಯಂ ಸೇವೆಗಳನ್ನು ಒಳಗೊಂಡಿದೆ. ಜಾಹೀರಾತುಗಳಲ್ಲದೆ, ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಬಳಸಲು ಬಯಸುವವರಿಗಾಗಿ ಈ ಯೋಜನೆಯನ್ನು ರೂಪಿಸಲಾಗಿದೆ. </p><p>ಈಗ ಬಳಕೆ ಮಾಡುತ್ತಿರುವ(ಸಾಮಾನ್ಯ ಬಳಕೆ) ಫೇಸ್ಬುಕ್ ಮತ್ತು ವಾಟ್ಸಾಪ್ಗಳು ಎಂದಿನಂತೆಯೇ ಕಾರ್ಯನಿರ್ವಹಿಸುತ್ತವೆ. ಅವುಗಳ ಬಳಕೆಗೆ ಬಳಕೆಗೆ ನಾವು ಹಣ ಪಾವತಿಸುವ ಅಗತ್ಯವಿಲ್ಲ. ಆದರೆ, ಹೆಚ್ಚುವರಿ ಫೀಚರ್ಗಳು ಬೇಕಿದ್ದಲ್ಲಿ ಫೇಸ್ಬುಕ್ ಪ್ಲಸ್ ಮತ್ತು ವಾಟ್ಸಾಪ್ ಪ್ಲಸ್ ಹೆಸರಿನ ಈ ಚಂದಾದಾರಿಕೆಯನ್ನು ಪಡೆಯಬಹುದಾಗಿದೆ. </p><h3>‘ಮೆಟಾ ಒನ್’ ಎಂದರೇನು?: </h3><p>ಮೆಟಾ ಸಂಸ್ಥೆಯು ಮುಂದಿನ ದಿನಗಳಲ್ಲಿ ತನ್ನೆಲ್ಲಾ ಸಬ್ಸ್ಕ್ರಿಪ್ಷನ್ಗಳನ್ನು ಒಂದೇ ಕಡೆ ತರಲು ಯೋಜಿಸುತ್ತಿದ್ದು, ಅದಕ್ಕೆ ‘ಮೆಟಾ ಒನ್’ಎಂದು ಹೆಸರಿಟ್ಟಿದೆ. </p><p>ಇದರ ಭಾಗವಾಗಿ ಸುಧಾರಿತ ಕೃತಕ ಬುದ್ಧಿಮತ್ತೆ ಬಳಸುವವರಿಗಾಗಿ ಮೆಟಾ ಒನ್ ಪ್ಲಸ್ ಮತ್ತು ಮೆಟಾ ಒನ್ ಪ್ರೀಮಿಯಂ ಹೆಸರಿನ ಎರಡು ವಿಶೇಷ ಪ್ಲ್ಯಾನ್ಗಳನ್ನು ನೀಡಲು ಮುಂದಾಗಿದೆ. ಇದರಲ್ಲಿ ಮೆಟಾ ಎಐ ಜೊತೆ ಹೆಚ್ಚಿನ ಸಂವಹನ ನಡೆಸಲು ಮುಕ್ತ ಅವಕಾಶ ನೀಡಲಾಗಿದ್ದು, ಅತ್ಯಂತ ಸಂಕೀರ್ಣವಾದ ಕೆಲಸಗಳು, ಕಠಿಣ ಪ್ರಶ್ನೆಗಳು ಮತ್ತು ಗುಣಮಟ್ಟದ ವಿಡಿಯೊ, ಚಿತ್ರಗಳನ್ನು ಸುಲಭವಾಗಿ ಕ್ರಿಯೇಟ್ ಮಾಡಬಹುದಾಗಿದೆ. </p><h3><strong>ಹೇಗಿರಲಿದೆ ಈ ಚಂದಾದಾರಿಕೆ ?</strong> </h3><p><strong>ಫೇಸ್ಬುಕ್ ಪ್ಲಸ್ ಮತ್ತು ಇನ್ಸ್ಟಾಗ್ರಾಮ್ ಪ್ಲಸ್:</strong> ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ ಬಳಕೆದಾರರಿಗೆ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಒದಗಿಸುವ ಉದ್ದೇಶದಿಂದ ಇದನ್ನು ರೂಪಿಸಲಾಗಿದೆ. ಇದರ ಚಂದಾದಾರಿಕೆಗೆ ತಿಂಗಳಿಗೆ ₹330 ನಿಗದಿ ಮಾಡಲಾಗಿದೆ.</p><p>ಬಹುಮುಖ್ಯವಾಗಿ ಈ ಚಂದಾದಾರಿಕೆಯು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಕಂಟೆಟ್ ಕ್ರಿಯೇಟರ್ಸ್ ಮತ್ತು ಪ್ರಭಾವಿ ವ್ಯಕ್ತಿಗಳಿಗಾಗಿ ರೂಪಿಸಲಾಗಿದೆ. </p><p><strong>ಇದರಿಂದ ಏನು ಲಾಭ?:</strong> </p><p><strong>ಸ್ಟೋರಿ ಸೂಪರ್ಪವರ್ಸ್:</strong> ಈ ಚಂದಾದಾರಿಕೆಯನ್ನು ಪಡೆದುಕೊಂಡವರು ತಮ್ಮ ಸ್ಟೋರಿಗಳನ್ನು 24 ಗಂಟೆಗಳಿಗಿಂತ ಹೆಚ್ಚು ಸಮಯ ಇಡಬಹುದು. ಈಗ ಅದು 24 ಗಂಟೆಗಳ ನಂತರ ಕಣ್ಮರೆಯಾಗುತ್ತದೆ. ಅದರೊಂದಿಗೆ ಇತರರ ಸ್ಟೋರಿಗಳನ್ನು ಅವರಿಗೆ ತಿಳಿಯದಂತೆ ನೋಡಬಹುದಾಗಿದೆ ಮತ್ತು ನಿಮ್ಮ ಸ್ಟೋರಿಯನ್ನು ಎಷ್ಟು ಬಾರಿ ಮರು-ವೀಕ್ಷಿಸಲಾಗಿದೆ ಎಂದು ತಿಳಿಯಬಹುದಾಗಿದೆ. </p><p><strong>ವೀಕ್ಲಿ ಸ್ಪಾಟ್ಲೈಟ್:</strong> ಈ ಚಂದಾದಾರಿಕೆಯನ್ನು ಪಡೆದುಕೊಂಡವರಿಗೆ ಅವರ ಸ್ಟೋರಿಯನ್ನು ಹೆಚ್ಚು ಜನರಿಗೆ ತಲುಪಿಸುವಂತೆ ಮಾಡಲು, ವಾರಕ್ಕೊಮ್ಮೆ ಸ್ಪಾಟ್ಲೈಟ್ ಆಯ್ಕೆ ಸಿಗುತ್ತದೆ. ಇದರಿಂದ ಹೆಚ್ಚು ಜನರನ್ನು ತಲುಪಬಹುದಾಗಿದೆ.</p><p><strong>ವಿಶೇಷ ಪ್ರೊಫೈಲ್ ವಿನ್ಯಾಸಗಳು:</strong> ಚಂದಾದಾರಿಕೆಯನ್ನು ಹೊಂದಿರುವ ಬಳಕೆದಾರರಿಗೆ ವಿಶೇಷ ಪ್ರೊಫೈಲ್ ವಿನ್ಯಾಸ ಲಭ್ಯವಿದೆ. ಇದರಲ್ಲಿ ಪ್ರೀಮಿಯಂ ಅನಿಮೇಟೆಡ್ ರಿಯಾಕ್ಷನ್ಗಳು, ವಿಭಿನ್ನ ಆ್ಯಪ್ ಐಕಾನ್ಗಳು, ಆಕರ್ಷಕ ಬಯೋ ಫಾಂಟ್ಗಳು ಮತ್ತು ಪ್ರೊಫೈಲ್ನಲ್ಲಿ ಮುಖ್ಯ ಪೋಸ್ಟ್ಗಳನ್ನು ಪಿನ್ ಮಾಡಿಡುವ ಆಯ್ಕೆಗಳು ಸಿಗುತ್ತವೆ.</p><p><strong>ವಾಟ್ಸಾಪ್ ಪ್ಲಸ್ ಚಂದಾದಾರಿಕೆ:</strong> ವಾಟ್ಸಾಪ್ ಬಳಕೆದಾರರಿಗೆ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಒದಗಿಸುವ ಉದ್ದೇಶದಿಂದ ಇದನ್ನು ರೂಪಿಸಲಾಗಿದೆ. ಇದರ ಚಂದಾದಾರಿಕೆಗೆ ತಿಂಗಳಿಗೆ ₹250 ನಿಗದಿ ಮಾಡಲಾಗಿದೆ.</p><p><strong>ಇದರಿಂದ ಏನು ಲಾಭ?:</strong> </p><p>ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ಗಿಂತ ಭಿನ್ನವಾಗಿ ಚಾಟಿಂಗ್ ಅನುಭವವನ್ನು ಉತ್ತಮಗೊಳಿಸಲು ಮತ್ತು ಸುಲಭವಾಗಿ ನಿರ್ವಹಿಸಲು ಸಹಾಯ ಮಾಡುವಂತಹ ಫೀಚರ್ಗಳನ್ನು ವಾಟ್ಸಾಪ್ ಪ್ಲಸ್ನಲ್ಲಿ ಸೇರ್ಪಡೆ ಮಾಡಲಾಗಿದೆ. ಅದರೊಂದಿಗೆ ಹೊಸ ಥೀಮ್ಗಳು ಮತ್ತು ವಿಭಿನ್ನ ಚಾಟ್ ಬ್ಯಾಕ್ಗ್ರೌಂಡ್ಗಳನ್ನು ಬಳಸಬಹುದಾಗಿದೆ. </p><p><strong>ಆಡಿಯೊ ಬದಲಾವಣೆಗಳು:</strong> ಪ್ರತಿಯೊಂದು ಕಾಂಟ್ಯಾಕ್ಟ್ ಅಥವಾ ಗ್ರೂಪ್ಗಳಿಗೆ, ಆ್ಯಪ್ ಒಳಗಡೆಯೇ ಪ್ರತ್ಯೇಕ ರಿಂಗ್ಟೋನ್ಗಳನ್ನು ಸೆಟ್ ಮಾಡಬಹುದಾಗಿದೆ.</p><p><strong>ಚಾಟ್ ಸೆಟ್ಟಿಂಗ್:</strong> ಬಳಕೆದಾರರು ತಮ್ಮ ಮುಖ್ಯ ಚಾಟ್ಗಳನ್ನು, ಚಾಟ್ನ ಮೇಲ್ಭಾಗದಲ್ಲಿ ಪಿನ್ ಮಾಡಿಡಬಹುದು. ಕಚೇರಿ, ಕುಟುಂಬ ಮತ್ತು ಸ್ನೇಹಿತರ ಚಾಟ್ಗಳನ್ನು ಪ್ರತ್ಯೇಕಿಸಲು ಸಹಾಯವಾಗುವಂತಹ ಫೀಚರ್ಗಳ ಆಯ್ಕೆ ಲಭ್ಯವಿದೆ. </p><p><strong>ವಿಶೇಷ ಸ್ಟಿಕ್ಕರ್ಗಳು:</strong> ಪ್ರೀಮಿಯಂ ಅನಿಮೇಟೆಡ್ ಸ್ಟಿಕ್ಕರ್ಗಳು ಮತ್ತು ರಿಯಾಕ್ಷನ್ ಪ್ಯಾಕ್ಗಳು ಲಭ್ಯವಿರುತ್ತವೆ.</p><p>ಮೆಟಾ ಚಂದಾದಾರಿಕೆಯು ‘ಮೆಟಾ ವೆರಿಫೈಡ್’ಗಿಂತ ಭಿನ್ನವಾಗಿರಲಿದ್ದು, ಬಳಕೆದಾರರು ಇದರಲ್ಲಿ ಪ್ರೊಫೈಲ್ನಲ್ಲಿನ ಬ್ಲೂ–ಟಿಕ್ ಪಡೆಯುವ ಅವಕಾಶವಿಲ್ಲ. ಇದು ಕೇವಲ ಹೆಚ್ಚುವರಿ ಫೀಚರ್ಗಳಿಗಾಗಿ ಇರುವ ಪ್ಲಾನ್ ಮಾತ್ರವಾಗಿದೆ. </p><p>ಬಳಕೆದಾರರು ಹಣ ಪಾವತಿಸಲು ಬಯಸದೇ ಇದ್ದರೂ, ಫೇಸ್ಬುಕ್ ಮತ್ತು ವಾಟ್ಸಾಪ್ ಖಾತೆಗಳು ಎಂದಿನಂತೆ ಉಚಿತವಾಗಿ ಕಾರ್ಯನಿರ್ವಹಿಸುತ್ತವೆ. ಹೆಚ್ಚುವರಿ ಫೀಚರ್ ಬಳಸಲು ಬಯಸುವ ಗ್ರಾಹಕರು ಮಾತ್ರ ಮೆಟಾ ಚಂದಾದಾರಿಕೆ ಪಡೆಯಬಹುದಾಗಿದೆ. </p><p>ಜಾಗತಿಕವಾಗಿ ಮೇ 27ರಿಂದ ಮೆಟಾ ಸಬ್ಸ್ಕ್ರಿಪ್ಷನ್ ಜಾರಿಗೆ ಬಂದಿದೆ. </p><p><strong>ಆಧಾರ: ಎಕನಾಮಿಕ್ ಟೈಮ್ಸ್, ದಿ ಹಿಂದೂ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಜಗತ್ತಿನಲ್ಲಿ ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಫೇಸ್ಬುಕ್, ವಾಟ್ಸಪ್ ‘ಮೆಟಾ ಸಬ್ಸ್ಕ್ರಿಪ್ಷನ್’ಗೆ ಮುಂದಾಗಿವೆ. </p><p>ಮೆಟಾ ಸಂಸ್ಥೆಯು ತನ್ನ ಬಳಕೆದಾರರಿಗಾಗಿ ಪ್ರೀಮಿಯಂ ಸೇವೆಯನ್ನು ಕಲ್ಪಿಸಿದ್ದು, ‘ಮೆಟಾ ಒನ್’ ಹೆಸರಿನಲ್ಲಿ ಇದನ್ನು ಜಾರಿ ಮಾಡಲು ನಿರ್ಧರಿಸಿದೆ. ಇದು ಹಣ ಪಾವತಿಸಿ ಪಡೆಯಬಹುದಾದ ಪ್ರೀಮಿಯಂ ಸೇವೆಗಳನ್ನು ಒಳಗೊಂಡಿದೆ. ಜಾಹೀರಾತುಗಳಲ್ಲದೆ, ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಬಳಸಲು ಬಯಸುವವರಿಗಾಗಿ ಈ ಯೋಜನೆಯನ್ನು ರೂಪಿಸಲಾಗಿದೆ. </p><p>ಈಗ ಬಳಕೆ ಮಾಡುತ್ತಿರುವ(ಸಾಮಾನ್ಯ ಬಳಕೆ) ಫೇಸ್ಬುಕ್ ಮತ್ತು ವಾಟ್ಸಾಪ್ಗಳು ಎಂದಿನಂತೆಯೇ ಕಾರ್ಯನಿರ್ವಹಿಸುತ್ತವೆ. ಅವುಗಳ ಬಳಕೆಗೆ ಬಳಕೆಗೆ ನಾವು ಹಣ ಪಾವತಿಸುವ ಅಗತ್ಯವಿಲ್ಲ. ಆದರೆ, ಹೆಚ್ಚುವರಿ ಫೀಚರ್ಗಳು ಬೇಕಿದ್ದಲ್ಲಿ ಫೇಸ್ಬುಕ್ ಪ್ಲಸ್ ಮತ್ತು ವಾಟ್ಸಾಪ್ ಪ್ಲಸ್ ಹೆಸರಿನ ಈ ಚಂದಾದಾರಿಕೆಯನ್ನು ಪಡೆಯಬಹುದಾಗಿದೆ. </p><h3>‘ಮೆಟಾ ಒನ್’ ಎಂದರೇನು?: </h3><p>ಮೆಟಾ ಸಂಸ್ಥೆಯು ಮುಂದಿನ ದಿನಗಳಲ್ಲಿ ತನ್ನೆಲ್ಲಾ ಸಬ್ಸ್ಕ್ರಿಪ್ಷನ್ಗಳನ್ನು ಒಂದೇ ಕಡೆ ತರಲು ಯೋಜಿಸುತ್ತಿದ್ದು, ಅದಕ್ಕೆ ‘ಮೆಟಾ ಒನ್’ಎಂದು ಹೆಸರಿಟ್ಟಿದೆ. </p><p>ಇದರ ಭಾಗವಾಗಿ ಸುಧಾರಿತ ಕೃತಕ ಬುದ್ಧಿಮತ್ತೆ ಬಳಸುವವರಿಗಾಗಿ ಮೆಟಾ ಒನ್ ಪ್ಲಸ್ ಮತ್ತು ಮೆಟಾ ಒನ್ ಪ್ರೀಮಿಯಂ ಹೆಸರಿನ ಎರಡು ವಿಶೇಷ ಪ್ಲ್ಯಾನ್ಗಳನ್ನು ನೀಡಲು ಮುಂದಾಗಿದೆ. ಇದರಲ್ಲಿ ಮೆಟಾ ಎಐ ಜೊತೆ ಹೆಚ್ಚಿನ ಸಂವಹನ ನಡೆಸಲು ಮುಕ್ತ ಅವಕಾಶ ನೀಡಲಾಗಿದ್ದು, ಅತ್ಯಂತ ಸಂಕೀರ್ಣವಾದ ಕೆಲಸಗಳು, ಕಠಿಣ ಪ್ರಶ್ನೆಗಳು ಮತ್ತು ಗುಣಮಟ್ಟದ ವಿಡಿಯೊ, ಚಿತ್ರಗಳನ್ನು ಸುಲಭವಾಗಿ ಕ್ರಿಯೇಟ್ ಮಾಡಬಹುದಾಗಿದೆ. </p><h3><strong>ಹೇಗಿರಲಿದೆ ಈ ಚಂದಾದಾರಿಕೆ ?</strong> </h3><p><strong>ಫೇಸ್ಬುಕ್ ಪ್ಲಸ್ ಮತ್ತು ಇನ್ಸ್ಟಾಗ್ರಾಮ್ ಪ್ಲಸ್:</strong> ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ ಬಳಕೆದಾರರಿಗೆ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಒದಗಿಸುವ ಉದ್ದೇಶದಿಂದ ಇದನ್ನು ರೂಪಿಸಲಾಗಿದೆ. ಇದರ ಚಂದಾದಾರಿಕೆಗೆ ತಿಂಗಳಿಗೆ ₹330 ನಿಗದಿ ಮಾಡಲಾಗಿದೆ.</p><p>ಬಹುಮುಖ್ಯವಾಗಿ ಈ ಚಂದಾದಾರಿಕೆಯು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಕಂಟೆಟ್ ಕ್ರಿಯೇಟರ್ಸ್ ಮತ್ತು ಪ್ರಭಾವಿ ವ್ಯಕ್ತಿಗಳಿಗಾಗಿ ರೂಪಿಸಲಾಗಿದೆ. </p><p><strong>ಇದರಿಂದ ಏನು ಲಾಭ?:</strong> </p><p><strong>ಸ್ಟೋರಿ ಸೂಪರ್ಪವರ್ಸ್:</strong> ಈ ಚಂದಾದಾರಿಕೆಯನ್ನು ಪಡೆದುಕೊಂಡವರು ತಮ್ಮ ಸ್ಟೋರಿಗಳನ್ನು 24 ಗಂಟೆಗಳಿಗಿಂತ ಹೆಚ್ಚು ಸಮಯ ಇಡಬಹುದು. ಈಗ ಅದು 24 ಗಂಟೆಗಳ ನಂತರ ಕಣ್ಮರೆಯಾಗುತ್ತದೆ. ಅದರೊಂದಿಗೆ ಇತರರ ಸ್ಟೋರಿಗಳನ್ನು ಅವರಿಗೆ ತಿಳಿಯದಂತೆ ನೋಡಬಹುದಾಗಿದೆ ಮತ್ತು ನಿಮ್ಮ ಸ್ಟೋರಿಯನ್ನು ಎಷ್ಟು ಬಾರಿ ಮರು-ವೀಕ್ಷಿಸಲಾಗಿದೆ ಎಂದು ತಿಳಿಯಬಹುದಾಗಿದೆ. </p><p><strong>ವೀಕ್ಲಿ ಸ್ಪಾಟ್ಲೈಟ್:</strong> ಈ ಚಂದಾದಾರಿಕೆಯನ್ನು ಪಡೆದುಕೊಂಡವರಿಗೆ ಅವರ ಸ್ಟೋರಿಯನ್ನು ಹೆಚ್ಚು ಜನರಿಗೆ ತಲುಪಿಸುವಂತೆ ಮಾಡಲು, ವಾರಕ್ಕೊಮ್ಮೆ ಸ್ಪಾಟ್ಲೈಟ್ ಆಯ್ಕೆ ಸಿಗುತ್ತದೆ. ಇದರಿಂದ ಹೆಚ್ಚು ಜನರನ್ನು ತಲುಪಬಹುದಾಗಿದೆ.</p><p><strong>ವಿಶೇಷ ಪ್ರೊಫೈಲ್ ವಿನ್ಯಾಸಗಳು:</strong> ಚಂದಾದಾರಿಕೆಯನ್ನು ಹೊಂದಿರುವ ಬಳಕೆದಾರರಿಗೆ ವಿಶೇಷ ಪ್ರೊಫೈಲ್ ವಿನ್ಯಾಸ ಲಭ್ಯವಿದೆ. ಇದರಲ್ಲಿ ಪ್ರೀಮಿಯಂ ಅನಿಮೇಟೆಡ್ ರಿಯಾಕ್ಷನ್ಗಳು, ವಿಭಿನ್ನ ಆ್ಯಪ್ ಐಕಾನ್ಗಳು, ಆಕರ್ಷಕ ಬಯೋ ಫಾಂಟ್ಗಳು ಮತ್ತು ಪ್ರೊಫೈಲ್ನಲ್ಲಿ ಮುಖ್ಯ ಪೋಸ್ಟ್ಗಳನ್ನು ಪಿನ್ ಮಾಡಿಡುವ ಆಯ್ಕೆಗಳು ಸಿಗುತ್ತವೆ.</p><p><strong>ವಾಟ್ಸಾಪ್ ಪ್ಲಸ್ ಚಂದಾದಾರಿಕೆ:</strong> ವಾಟ್ಸಾಪ್ ಬಳಕೆದಾರರಿಗೆ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಒದಗಿಸುವ ಉದ್ದೇಶದಿಂದ ಇದನ್ನು ರೂಪಿಸಲಾಗಿದೆ. ಇದರ ಚಂದಾದಾರಿಕೆಗೆ ತಿಂಗಳಿಗೆ ₹250 ನಿಗದಿ ಮಾಡಲಾಗಿದೆ.</p><p><strong>ಇದರಿಂದ ಏನು ಲಾಭ?:</strong> </p><p>ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ಗಿಂತ ಭಿನ್ನವಾಗಿ ಚಾಟಿಂಗ್ ಅನುಭವವನ್ನು ಉತ್ತಮಗೊಳಿಸಲು ಮತ್ತು ಸುಲಭವಾಗಿ ನಿರ್ವಹಿಸಲು ಸಹಾಯ ಮಾಡುವಂತಹ ಫೀಚರ್ಗಳನ್ನು ವಾಟ್ಸಾಪ್ ಪ್ಲಸ್ನಲ್ಲಿ ಸೇರ್ಪಡೆ ಮಾಡಲಾಗಿದೆ. ಅದರೊಂದಿಗೆ ಹೊಸ ಥೀಮ್ಗಳು ಮತ್ತು ವಿಭಿನ್ನ ಚಾಟ್ ಬ್ಯಾಕ್ಗ್ರೌಂಡ್ಗಳನ್ನು ಬಳಸಬಹುದಾಗಿದೆ. </p><p><strong>ಆಡಿಯೊ ಬದಲಾವಣೆಗಳು:</strong> ಪ್ರತಿಯೊಂದು ಕಾಂಟ್ಯಾಕ್ಟ್ ಅಥವಾ ಗ್ರೂಪ್ಗಳಿಗೆ, ಆ್ಯಪ್ ಒಳಗಡೆಯೇ ಪ್ರತ್ಯೇಕ ರಿಂಗ್ಟೋನ್ಗಳನ್ನು ಸೆಟ್ ಮಾಡಬಹುದಾಗಿದೆ.</p><p><strong>ಚಾಟ್ ಸೆಟ್ಟಿಂಗ್:</strong> ಬಳಕೆದಾರರು ತಮ್ಮ ಮುಖ್ಯ ಚಾಟ್ಗಳನ್ನು, ಚಾಟ್ನ ಮೇಲ್ಭಾಗದಲ್ಲಿ ಪಿನ್ ಮಾಡಿಡಬಹುದು. ಕಚೇರಿ, ಕುಟುಂಬ ಮತ್ತು ಸ್ನೇಹಿತರ ಚಾಟ್ಗಳನ್ನು ಪ್ರತ್ಯೇಕಿಸಲು ಸಹಾಯವಾಗುವಂತಹ ಫೀಚರ್ಗಳ ಆಯ್ಕೆ ಲಭ್ಯವಿದೆ. </p><p><strong>ವಿಶೇಷ ಸ್ಟಿಕ್ಕರ್ಗಳು:</strong> ಪ್ರೀಮಿಯಂ ಅನಿಮೇಟೆಡ್ ಸ್ಟಿಕ್ಕರ್ಗಳು ಮತ್ತು ರಿಯಾಕ್ಷನ್ ಪ್ಯಾಕ್ಗಳು ಲಭ್ಯವಿರುತ್ತವೆ.</p><p>ಮೆಟಾ ಚಂದಾದಾರಿಕೆಯು ‘ಮೆಟಾ ವೆರಿಫೈಡ್’ಗಿಂತ ಭಿನ್ನವಾಗಿರಲಿದ್ದು, ಬಳಕೆದಾರರು ಇದರಲ್ಲಿ ಪ್ರೊಫೈಲ್ನಲ್ಲಿನ ಬ್ಲೂ–ಟಿಕ್ ಪಡೆಯುವ ಅವಕಾಶವಿಲ್ಲ. ಇದು ಕೇವಲ ಹೆಚ್ಚುವರಿ ಫೀಚರ್ಗಳಿಗಾಗಿ ಇರುವ ಪ್ಲಾನ್ ಮಾತ್ರವಾಗಿದೆ. </p><p>ಬಳಕೆದಾರರು ಹಣ ಪಾವತಿಸಲು ಬಯಸದೇ ಇದ್ದರೂ, ಫೇಸ್ಬುಕ್ ಮತ್ತು ವಾಟ್ಸಾಪ್ ಖಾತೆಗಳು ಎಂದಿನಂತೆ ಉಚಿತವಾಗಿ ಕಾರ್ಯನಿರ್ವಹಿಸುತ್ತವೆ. ಹೆಚ್ಚುವರಿ ಫೀಚರ್ ಬಳಸಲು ಬಯಸುವ ಗ್ರಾಹಕರು ಮಾತ್ರ ಮೆಟಾ ಚಂದಾದಾರಿಕೆ ಪಡೆಯಬಹುದಾಗಿದೆ. </p><p>ಜಾಗತಿಕವಾಗಿ ಮೇ 27ರಿಂದ ಮೆಟಾ ಸಬ್ಸ್ಕ್ರಿಪ್ಷನ್ ಜಾರಿಗೆ ಬಂದಿದೆ. </p><p><strong>ಆಧಾರ: ಎಕನಾಮಿಕ್ ಟೈಮ್ಸ್, ದಿ ಹಿಂದೂ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>