ಇಷ್ಟೇ ಅಲ್ಲದೆ, ಕೆಲವು ಆ್ಯಪ್ಗಳ ಗ್ರಾಹಕ ಸಂಪರ್ಕ ಸೇವಾ ಸಂಖ್ಯೆಗಳು ಕೂಡ ಅಂತರರಾಷ್ಟ್ರೀಯ ಅಥವಾ ಪ್ರೀಮಿಯಂ ಸಂಖ್ಯೆಗಳೇ ಆಗಿರುತ್ತವೆ. ಅವುಗಳಿಗೆ ಕರೆ ಮಾಡಿದರೂ ಜೇಬಿಗೆ ಕತ್ತರಿ ಬೀಳುವ ಸಾಧ್ಯತೆಗಳಿವೆ. ಹೀಗಾಗಿ, ವಿಡಿಯೊ ಕಾನ್ಫರೆನ್ಸಿಂಗ್ ವೇಳೆ, ಯಾವುದೇ ಸಂಖ್ಯೆಗೆ ಕರೆ ಮಾಡದೆ, ಇಂಟರ್ನೆಟ್ ಮೂಲಕವೇ ಆನ್ಲೈನ್ ಸಭೆಗಳಿಗೆ ಸೇರಿಕೊಳ್ಳುವುದು ಹಾಗೂ ಕರೆ ಮಾಡುವ ಮೊದಲು ಅದು ಅಂತರರಾಷ್ಟ್ರೀಯ ಕರೆಯೋ ಎಂಬುದನ್ನು ದೃಢಪಡಿಸಿಕೊಳ್ಳುವುದು ಸೂಕ್ತ.