ಭಾನುವಾರ, ಮಾರ್ಚ್ 29, 2020
19 °C

ಭಾರತದಲ್ಲಿ ಮೊದಲ 5ಜಿ ವಾಟ್ಸ್‌ಆ್ಯಪ್‌ ಕಾಲ್‌ ಮಾಡಿದ ಒಪ್ಪೊ: ಪರೀಕ್ಷೆ ಯಶಸ್ವಿ 

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

5ಜಿ ತಂತ್ರಜ್ಞಾನ ಪರೀಕ್ಷೆ

ಹೈದರಾಬಾದ್‌: ಚೀನಾ ಮೂಲದ ಸ್ಮಾರ್ಟ್‌ಫೋನ್‌ ತಯಾರಿಕಾ ಕಂಪನಿ 'ಒಪ್ಪೊ' ಹೈದರಾಬಾದ್‌ನ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರದಲ್ಲಿ ಮೊದಲ 5ಜಿ ವಾಟ್ಸ್‌ಆ್ಯಪ್‌ ವಿಡಿಯೊ ಕಾಲ್‌ ಪರೀಕ್ಷೆ ಬುಧವಾರ ಯಶಸ್ವಿಯಾಗಿ ನಡೆಸಿರುವುದಾಗಿ ತಿಳಿಸಿದೆ. 

5ಜಿ ಬ್ಯಾಂಡ್‌ ಮತ್ತು ವೇಗ ಬಳಸಿ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರ ವಾಟ್ಸ್‌ಆ್ಯಪ್‌ ವಿಡಿಯೊ ಕಾಲ್‌, ವೇಗವಾಗಿ ಸಿನಿಮಾ ಡೌನ್‌ಲೋಡ್‌ ಹಾಗೂ ಕ್ಲೌಡ್‌ ಗೇಮಿಂಗ್‌ ಆಯ್ಕೆಗಳನ್ನು ಪರೀಕ್ಷಿಸಿದೆ. 'ಈ ಯಶಸ್ವಿ ಪರೀಕ್ಷೆಯುವ ಭವಿಷ್ಯದ ಯೋಜನೆಗಳಿಗೆ ಮತ್ತಷ್ಟು ಬಲ ನೀಡಿದೆ. ತಂತ್ರಜ್ಞಾನ ಗ್ರಾಹಕರ ನಿತ್ಯ ಕಾರ್ಯಗಳನ್ನು ಮತ್ತಷ್ಟು ಸರಳಗೊಳಿಸಲಿದೆ' ಎಂದು ಒಪ್ಪೊ ಇಂಡಿಯಾ ಸಂಶೋಧನೆ ಮತ್ತು ಅಭಿವೃದ್ಧಿ ಉಪಾಧ್ಯಕ್ಷೆ ತಸ್ಲೀಮ್‌ ಆರಿಫ್‌ ಹೇಳಿದ್ದಾರೆ. 

ಒಪ್ಪೊ 'FindX2' ಬ್ರ್ಯಾಂಡ್‌ ಮೂಲಕ 5ಜಿ ಸ್ಮಾರ್ಟ್‌ಫೋನ್‌ ಜಾಗತಿಕ ಮಾರುಕಟ್ಟೆ ಪ್ರವೇಶಿಸಲು ಸಿದ್ಧತೆ ನಡೆಸಿದೆ. ಹೈದರಾಬಾದ್‌ನಲ್ಲಿ ಇತ್ತೀಚೆಗಷ್ಟೇ ಆರಂಭಿಸಲಾಗಿರುವ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರ 5ಜಿ ತಂತ್ರಜ್ಞಾನ ಅಭಿವೃದ್ಧಿ ಕಾರ್ಯಗಳಲ್ಲಿ ಪ್ರಮುಖ ಪಾತ್ರವಹಿಸಿದೆ. ಒಪ್ಪೊ ಜಾಗತಿಕವಾಗಿ ಆರು ಸಂಶೋಧನಾ ಸಂಸ್ಥೆಗಳು, ನಾಲ್ಕು ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರಗಳು ಹಾಗೂ ಲಂಡನ್‌ನಲ್ಲಿ ಅಂತರರಾಷ್ಟ್ರೀಯ ವಿನ್ಯಾಸ ಕೇಂದ್ರ ಹೊಂದಿದೆ. 

ಒಪ್ಪೊ ದೇಶದಲ್ಲಿ ₹2,200 ಕೋಟಿ ಹೂಡಿಕೆ ಮಾಡಿದ್ದು, ಗ್ರೇಟರ್‌ ನೋಯ್ಡದಲ್ಲಿರುವ ತಯಾರಿಕಾ ಘಟಕದಲ್ಲಿ ವಾರ್ಷಿಕ 5 ಕೋಟಿ ಸ್ಮಾರ್ಟ್‌ಫೋನ್‌ಗಳನ್ನು ಸಿದ್ಧಪಡಿಸುತ್ತಿದೆ. 

ಇತ್ತೀಚೆಗಷ್ಟೇ ಕಂಪನಿ ಭಾರತದಲ್ಲಿ 'ರೆನೊ9 ಪ್ರೊ' ಬಿಡುಗಡೆ ಮಾಡಿತು. 44ಎಂಪಿ+2ಎಂಪಿ ಡ್ಯೂಯಲ್‌ ಪಂಚ್‌ ಹೋಲ್‌ ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ. 8ಜಿಬಿ ರ್‍ಯಾಮ್‌ ಮತ್ತು 128ಜಿಬಿ ಸಂಗ್ರಹ ಸಾಮರ್ಥ್ಯ ಹೊಂದಿರುವ ಫೋನ್‌ಗೆ ₹29,990 ನಿಗದಿಯಾಗಿದೆ. 
 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು