ಸಂಚಾರಿ ವಿಜಯ್ ಬಗ್ಗೆ ನಿರೂಪಕಿ ಅನುಶ್ರೀ ಹಂಚಿಕೊಂಡ ಭಾವನಾತ್ಮಕ ವಿಡಿಯೊ ವೈರಲ್

‘ಒಳ್ಳೆಯವರಿಗೇ ಯಾಕೆ ಹೀಗೆ ಆಗುತ್ತದೆ? ವಿಜಯ್ ನಿಮ್ಮ ಜೀವನ ಪಯಣವನ್ನು ನನ್ನ ಯೂಟ್ಯೂಬ್ ಕಾರ್ಯಕ್ರಮದಲ್ಲಿ ಹಂಚಿಕೊಳ್ಳಲು ಬಂದಾಗ ಖಂಡಿತವಾಗಿಯೂ ಇಂಥ ನೋವಿನ ತಿರುವು ಊಹಿಸಿರಲಿಲ್ಲ. ತುಂಬಾ ಕಷ್ಟಪಟ್ಟು, ಸ್ವಾಭಿಮಾನದಿಂದ, ಬೆಳೆದು ನಿಂತು, ಕನ್ನಡಕ್ಕೆ ರಾಷ್ಟಪ್ರಶಸ್ತಿ ತಂದುಕೊಟ್ಟು, ಇಂದು ವಿದಾಯ ಹೇಳಿದ್ದೀರಾ... ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ. ನಿಮ್ಮ ಕುಟುಂಬಕ್ಕೆ ಈ ದುಃಖ ಸಹಿಸುವ ಶಕ್ತಿ ಆ ಭಗವಂತ ಕೊಡಲಿ’ ಎಂದು ಅನುಶ್ರೀ ಸಂದೇಶ ಪ್ರಕಟಿಸಿದ್ದಾರೆ.

ಓದಿ:ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌ ಇನ್ನಿಲ್ಲ

ಸಿನಿಮಾ ರಂಗ ಪ್ರವೇಶಿಸಲು ಪಟ್ಟ ಪಾಡು, ತಾಯಿಯ ಅಗಲುವಿಕೆಯ ನೋವಿನ ಕ್ಷಣ ಸೇರಿದಂತೆ ಹಲವು ವಿಚಾರಗಳಲ್ಲಿ ಯೂಟ್ಯೂಬ್ ಸಂದರ್ಶನದಲ್ಲಿ ಸಂಚಾರಿ ವಿಜಯ್ ಪ್ರಸ್ತಾಪಿಸಿದ್ದರು.

ಅನುಶ್ರೀ ಅವರು ಪೋಸ್ಟ್ ಮಾಡಿರುವ ವಿಡಿಯೊವನ್ನು ಈಗಾಗಲೇ 4.5 ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ. ಸಾವಿರಾರು ಮಂದಿ ಲೈಕ್ ಮಾಡಿ ಪ್ರತಿಕ್ರಿಯಿಸಿದ್ದಾರೆ.

ಓದಿ:ಸಂಚಾರಿ ವಿಜಯ್‌ ನಿಧನ: ಗಣ್ಯರು, ಅಭಿಮಾನಿಗಳು, ಸಾರ್ವಜನಿಕರಿಂದ ಅಂತಿಮ ದರ್ಶನ