ಪ್ರಜಾವಾಣಿ ಸಾಧಕಿಯರು: ತಾಯಿಗೇ ಹೆರಿಗೆ ಮಾಡಿಸಿದ ಸೂಲಗಿತ್ತಿ ಕಮಲಮ್ಮ!

ತನ್ನ 12ನೇ ವಯಸ್ಸಿನಲ್ಲಿ, ಅತೀ ಕಷ್ಟಕರ ಸನ್ನಿವೇಶದಲ್ಲಿ ಸ್ವತಃ ತನ್ನ ತಾಯಿಗೇ ಹೆರಿಗೆ ಮಾಡಿಸುವ ಮೂಲಕ ಕಮಲಮ್ಮ ಅವರು ಸೂಲಗಿತ್ತಿ ವೃತ್ತಿಯ ಅಡಿಪಾಯ ಹಾಕಿದರು.

ಮಲೆನಾಡಿನ ಗುಡ್ಡಗಾಡು ಪ್ರದೇಶಗಳಾದ ನಿಡುವಾಳೆಯಲ್ಲಿ ಬಸ್ ಸೌಕರ್ಯವಿಲ್ಲದ ಸಂಕಷ್ಟದ ಕಾಲದಲ್ಲಿ, ಕಮಲಮ್ಮ ಅವರು 200ಕ್ಕೂ ಅಧಿಕ ಸುರಕ್ಷಿತ ಹೆರಿಗೆಗಳನ್ನು ಮಾಡಿಸಿದ್ದಾರೆ.

ಸರ್ಕಾರಿ ಆಸ್ಪತ್ರೆಯಲ್ಲಿ ವೈದ್ಯರಿಲ್ಲದ ಸಂದರ್ಭಗಳಲ್ಲಿ, ಪ್ರಸೂತಿಗಾಗಿ ಬಂದ ಗರ್ಭಿಣಿಯರನ್ನು ತಮ್ಮ ಮನೆಗೆ ಕರೆದೊಯ್ದು ಸುಸೂತ್ರವಾಗಿ ಹೆರಿಗೆ ಮಾಡಿಸಿದ ಮಾನವೀಯತೆಯ ನಿದರ್ಶನಗಳಿವೆ.

ಕಮಲಮ್ಮ ಅವರ ನಿಸ್ವಾರ್ಥ ಸೇವೆ ಮತ್ತು ಜನರ ಮೇಲಿರುವ ಕಾಳಜಿಯನ್ನು ಮೆಚ್ಚಿ, ಗ್ರಾಮಸ್ಥರು ಅವರನ್ನು ಅವಿರೋಧವಾಗಿ ಗ್ರಾಮ ಪಂಚಾಯಿತಿ ಸದಸ್ಯೆಯಾಗಿ ಆಯ್ಕೆ ಮಾಡಿದ್ದಾರೆ.

ಯಾವುದೇ ಆಸ್ತಿ ಇಲ್ಲದಿದ್ದರೂ, ತಾವು ಮಾಡಿದ ಸೇವೆಯಿಂದ ಜನರಿಂದ ಪಡೆದ ಪ್ರೀತಿ, ಗೌರವ ಮತ್ತು ವಿಶ್ವಾಸವೇ ತಮ್ಮ ನಿಜವಾದ ಆಸ್ತಿ ಎಂದು ಅವರು ನಂಬಿದ್ದಾರೆ.