‘ಲಿಂಗ ತಾರತಮ್ಯ’ಕ್ಕೆ ಕೊಳ್ಳಿಯಿಟ್ಟ ಯುವತಿ; 5 ಸಾವಿರ ಮೃತದೇಹಗಳ ಅಂತ್ಯಸಂಸ್ಕಾರ

ಚಿತಾಗಾರದಲ್ಲಿ ಕೆಲಸ ಮಾಡಲು ಗಟ್ಟಿ ಗುಂಡಿಗೆ ಬೇಕು. ಪುರುಷರು ಮಾತ್ರ ಅದಕ್ಕೆ ಸಮರ್ಥರು ಎಂಬ ಭಾವನೆ ಸಾಮಾನ್ಯ. ಆದರೆ, ಪಶ್ಚಿಮ ಬಂಗಾಳದ ಈ ಯುವತಿ ಐದು ಸಾವಿರಕ್ಕೂ ಹೆಚ್ಚು ಹೆಣಗಳ ಸಂಸ್ಕಾರ ಮಾಡಿ ಅಚ್ಚರಿ ಮೂಡಿಸಿದ್ದಾರೆ.

ತುಂಪಾ ದಾಸ್.... ಪಶ್ಚಿಮ ಬಂಗಾಳದ ಬೀರ್ಭೂಮ್ ಜಿಲ್ಲೆಯ ಪುರಂದರಪುರ ಚಿತಾಗಾರದಲ್ಲಿ 'ಸತ್ಕಾರ ಕರ್ಮಿ'ಯಾಗಿ ಕೆಲಸ ಮಾಡುವ ಇವರ ಬದುಕಿನ ಹೊಸ ಅಧ್ಯಾಯ ಆರಂಭವಾಗಿದ್ದು 2014ರಲ್ಲಿ. ಇದೇ ಚಿತಾಗಾರದಲ್ಲಿ ಕೆಲಸ ಮಾಡುತ್ತಿದ್ದ ಅವರ ತಂದೆ ಬಾಪಿ ದಾಸ್ ಅಕಾಲಿಕವಾಗಿ ನಿಧನರಾದಾಗ ಕುಟುಂಬವು ಆದಾಯವಿಲ್ಲದೆ ಸಂಕಷ್ಟಕ್ಕೆ ಸಿಲುಕಿತ್ತು. ಆ ಸಮಯದಲ್ಲಿ ತುಂಪಾ ಸ್ಥಳೀಯ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ನರ್ಸ್ ಆಗಿದ್ದರು. ಕುಟುಂಬ ನಡೆಸಲು ಅಲ್ಲಿನ ಆದಾಯ ಸಾಲುತ್ತಿರಲಿಲ್ಲ. ಆರ್ಥಿಕ ಸಂಕಷ್ಟದ ಹೊತ್ತಿನಲ್ಲಿ ಅವರಿಗೆ ಕಾಣಿಸಿದ್ದು ಇದೇ ಚಿತಾಗಾರದ ದಾರಿ.

ತಂದೆಯ ನಿಧನದಿಂದ ತೆರವಾಗಿದ್ದ ಸ್ಥಾನವನ್ನು ತಾವೇ ತುಂಬಲು ನಿರ್ಧರಿಸುತ್ತಾರೆ ತುಂಪಾ. ನರ್ಸ್ ಕೆಲಸ ತ್ಯಜಿಸುತ್ತಾರೆ. ತಮ್ಮ ಸಮುದಾಯದಲ್ಲಿ ಪುರುಷರು ಮಾತ್ರ ಮಾಡುತ್ತಿದ್ದ ಈ ಕೆಲಸವನ್ನು ನಿರ್ವಹಿಸುವುದಕ್ಕೆ ಮಾನಸಿಕವಾಗಿ ಸಿದ್ಧರಾಗುತ್ತಾರೆ. ಆರಂಭದ ದಿನಗಳು ಅತ್ಯಂತ ಕಷ್ಟಕರವಾಗಿ ಸಾಗುತ್ತದೆ. ಒಂದು ಕಡೆ ಹೊಗೆ, ಶಾಖಕ್ಕೆ ಹೊಂದಿಕೊಳ್ಳುವುದು ಕಷ್ಟವಾದರೆ, ಮತ್ತೊಂದೆಡೆ ಶವವನ್ನು ನೋಡಿದರೆ ಭಯ... ಆದರೆ ಕುಟುಂಬದ ಹಸಿವು ಅದೆಲ್ಲವನ್ನು ಮರೆಯುವಂತೆ ಮಾಡಿತ್ತು.

. ಕುಟುಂಬದಿಂದಲೇ ವಿರೋಧ . ತುಂಪಾ ಚಿತಾಗಾರದ ಕೆಲಸಕ್ಕೆ ಸೇರಿದಾಗ ಮೊದಲು ವಿರೋಧ ಬಂದಿದ್ದೇ ಕುಟುಂಬದಿಂದ. ಚಿತಾಗಾರದಲ್ಲಿ ಕೆಲಸ ಮಾಡದಂತೆ ಸಂಬಂಧಿಕರು ಹೇಳಿದ್ದರು. ಮಹಿಳೆಯರು ಈ ಕೆಲಸ ಮಾಡಬಾರದು ಎಂದು ಸಲಹೆ ನೀಡುತ್ತಿದ್ದರು. ಸಂಬಂಧಿಕರು ಮತ್ತು ನೆರೆಹೊರೆಯವರ ವಿರೋಧ ಕಂಡು ತಾಯಿಯೂ ಭಯಗೊಂಡಿದ್ದರು. ಆದರೆ, ತುಂಪಾ ತಮ್ಮ ನಿರ್ಧಾರಕ್ಕೆ ಬದ್ಧರಾಗಿದ್ದರು.

ಕಾಲಾನಂತರ ತುಂಪಾ ಅವರ ಧೈರ್ಯ ಮತ್ತು ಛಲ ಕಂಡು ಟೀಕಿಸುತ್ತಿದ್ದವರೂ ಸುಮ್ಮನಾದರು. ಒಂದು ಕಾಲದಲ್ಲಿ ಅಪಹಾಸ್ಯ ಮಾಡುತ್ತಿದ್ದವರು ಗೌರವದಿಂದ ಕಾಣಲು ಪ್ರಾರಂಭಿಸಿದರು.

ಹೆಣ ಸುಡಲು ಕಟ್ಟಿಗೆ ಜೋಡಿಸುವುದು, ಚಿತೆ ನಿರ್ವಹಿಸುವುದು, ಪ್ರತಿದಿನ ಶವವನ್ನು ನೋಡುವುದು ಸಾಮಾನ್ಯ ವ್ಯಕ್ತಿಗಳಿಗೆ ಸಾಧ್ಯವಿಲ್ಲ. ಆದರೆ ತುಂಪಾ ಅವೆಲ್ಲವನ್ನೂ ಮೀರಿ ಬೆಳೆದಿದ್ದರು.

. 5 ಸಾವಿರಕ್ಕೂ ಹೆಚ್ಚು ಶವಗಳ ಅಂತ್ಯಸಂಸ್ಕಾರ . ತುಂಪಾ ಅವರ ಕೆಲಸವು ಬೆಳಿಗ್ಗೆ 8 ಗಂಟೆಯಿಂದ ಪ್ರಾರಂಭವಾಗಿ ಸೂರ್ಯಾಸ್ತದ ನಂತರವೂ ಮುಂದುವರಿಯುತ್ತದೆ. ಮೊದಲು ಮೃತರ ವಿವರಗಳನ್ನು ದಾಖಲಿಸುವ ಅವರು ನಂತರ ಚಿತೆಯನ್ನು ಸಿದ್ದಪಡಿಸುತ್ತಾರೆ. ಅಂತ್ಯಕ್ರಿಯೆ ಪೂರ್ಣಗೊಳ್ಳುವವರೆಗೂ ಮೇಲ್ವಿಚಾರಣೆ ಮಾಡುತ್ತಾರೆ. ಅಂತ್ಯಸಂಸ್ಕಾರ ಪೂರ್ಣಗೊಂಡ ನಂತರ ಚಿತಾಭಸ್ಮವನ್ನು ಕುಟುಂಬದವರಿಗೆ ಹಸ್ತಾಂತರಿಸಿ, ಮುಂದಿನ ಅಂತ್ಯಸಂಸ್ಕಾರಕ್ಕೆ ಚಿತೆಯನ್ನು ಸಿದ್ಧಪಡಿಸುತ್ತಾರೆ. ಒಂದು ಶವಸಂಸ್ಕಾರ ಪೂರ್ಣಗೊಳ್ಳಲು ಸುಮಾರು 3 ಗಂಟೆಗೂ ಹೆಚ್ಚು ಸಮಯ ಬೇಕಾಗುತ್ತದೆ. ಕಳೆದ ಒಂದು ದಶಕದಲ್ಲಿ ಅವರು 5,000 ಕ್ಕೂ ಹೆಚ್ಚು ಮೃತದೇಹಗಳ ಅಂತ್ಯಸಂಸ್ಕಾರ ಮಾಡಿದ್ದಾರೆ.

. ವರವಾದ ವಿದ್ಯುತ್ ಚಿತಾಗಾರ . 2019ರಲ್ಲಿ ವಿದ್ಯುತ್ ಚಿತಾಗಾರ ಸ್ಥಾಪನೆಯಾಗಿದ್ದು, ತುಂಪಾ ಅವರ ಕೆಲಸದ ಒತ್ತಡವನ್ನು ಕಡಿಮೆ ಮಾಡಿತು. ಹಿಂದೆ ಕಟ್ಟಿಗೆ ಸಂಗ್ರಹಿಸುವುದು, ಜೋಡಿಸುವುದು ಮತ್ತು ಸ್ವಚ್ಛಗೊಳಿಸಲು ತುಂಬಾ ಸಮಯ ಬೇಕಾಗುತ್ತಿತ್ತು. ಈಗ ಕೇವಲ 45 ನಿಮಿಷಗಳಲ್ಲಿ ಎಲ್ಲಾ ಕೆಲಸ ಮುಗಿಯುತ್ತದೆ ಎನ್ನುತ್ತಾರೆ ತುಂಪಾ.

. ಮಹಿಳೆಯರು ತುಂಬಾ ಸಂವೇದನಾಶೀಲರು, ಚಿತಾಗಾರ ಕೆಲಸಕ್ಕೆ ಅವರು ಅರ್ಹರಲ್ಲ ಎಂದು ಜನ ಹೇಳುತ್ತಾರೆ. ಭಯದಿಂದ ಪುರುಷರು ನಡುಗುವುದನ್ನು ನಾನು ನೋಡಿದ್ದೇನೆ. ಈ ಜಗತ್ತಿನಲ್ಲಿ ಗಂಡು ಮತ್ತು ಹೆಣ್ಣಿನ ನಡುವೆ ಯಾವುದೇ ವ್ಯತ್ಯಾಸವಿಲ್ಲ. ಪ್ರತಿಯೊಬ್ಬರೂ ಸಮಾನರು. – ತುಂಪಾ ದಾಸ್ (ದಿ ಬೆಟರ್ ಇಂಡಿಯಾಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ ಮಾತು) . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಲಿಂಗ ತಾರತಮ್ಯ’ಕ್ಕೆ ಕೊಳ್ಳಿಯಿಟ್ಟ ಯುವತಿ; 5 ಸಾವಿರ ಮೃತದೇಹಗಳ ಅಂತ್ಯಸಂಸ್ಕಾರ

ವಿಜಯ್ ಸಂಪುಟ ವಿಸ್ತರಣೆ: AIADMK ಬಂಡಾಯ ಶಾಸಕರಿಗೆ ‘NO’ ಎಂದ ಎಡಪಕ್ಷಗಳು

‘ಕಾಕ್ರೋಚ್ ಜನತಾ ಪಾರ್ಟಿ’ಗೆ ಮೋಹಕ ತಾರೆ ರಮ್ಯಾ ಬೆಂಬಲ

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಚಿನಕುರುಳಿ: ಬುಧವಾರ, 20 ಮೇ 2026

2026ರ ಮೇ 21: ಈ ದಿನದ ಪ್ರಮುಖ 10 ಸುದ್ದಿಗಳು ಇಲ್ಲಿವೆ...

ಮಾಳವಿಕಾ, ಅಶ್ಮಿತಾ ಮುನ್ನಡೆ; ಲಕ್ಷ್ಯ, ಪ್ರಣಯ್ ನಿರ್ಗಮನ

ಹಾಕಿ ಕೋಚ್‌ ಬಲದೇವ್‌ಗೆ 25ರಂದು ಪದ್ಮಶ್ರೀ ಪ್ರದಾನ

ಟೆನಿಸ್‌ ಟೂರ್ನಿ: ಮುಕುಂದ್‌ ಶಶಿಕುಮಾರ್‌ ಕ್ವಾರ್ಟರ್‌ಫೈನಲ್‌ಗೆ ಲಗ್ಗೆ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ವಿಜಯ್ ಸಂಪುಟ ವಿಸ್ತರಣೆ: AIADMK ಬಂಡಾಯ ಶಾಸಕರಿಗೆ ‘NO’ ಎಂದ ಎಡಪಕ್ಷಗಳು

‘ಕಾಕ್ರೋಚ್ ಜನತಾ ಪಾರ್ಟಿ’ಗೆ ಮೋಹಕ ತಾರೆ ರಮ್ಯಾ ಬೆಂಬಲ

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಚಿನಕುರುಳಿ: ಬುಧವಾರ, 20 ಮೇ 2026