ಬೈರುತ್: ತೀವ್ರ ಚಳಿ ಹಿನ್ನೆಲೆಯಲ್ಲಿ ಮಲಗುವ ಕೋಣೆಯಲ್ಲಿ ಕಲ್ಲಿದ್ದಲು ಉರಿಸಿದ್ದರಿಂದ ಹೊರಸೂಸಿದ ವಿಷಾನಿಲ ಸೇವಿಸಿ ಸಿರಿಯಾ ಮೂಲದ ಮಹಿಳೆ ಹಾಗೂ ಆಕೆಯ ಮೂವರು ಮಕ್ಕಳು ನಿದ್ರೆಯಲ್ಲಿಯೇ ಮೃತಪಟ್ಟಿದ್ದಾರೆ.
ಲೆಬನಾನ್ನ ದಕ್ಷಿಣದಲ್ಲಿರುವ ಖರಯಾಬ್ ಗ್ರಾಮದಲ್ಲಿನ ನಿರಾಶ್ರಿತರ ಶಿಬಿರದಲ್ಲಿ ಈ ಘಟನೆ ಸಂಭವಿಸಿದೆ ಎಂದು ಅಧಿಕಾರಿ ಯೂಸಫ್ ಅಲ್–ದೊರ್ ಹೇಳಿದ್ದಾರೆ.
31 ವರ್ಷದ ತಾಯಿ, 8, 7 ಹಾಗೂ 4 ವರ್ಷದ ಮಕ್ಕಳು, ಆಸ್ಪತ್ರೆಗೆ ಕರೆತರುವ ಮೊದಲೇ ಮೃತಪಟ್ಟಿದ್ದರು ಎಂದು ಫಕೀಹ್ ಆಸ್ಪತ್ರೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಲೆಬನಾನ್ನ ಜನಸಂಖ್ಯೆ 60 ಲಕ್ಷ. ಈ ಪೈಕಿ, ಯುದ್ಧಪೀಡಿತ ಸಿರಿಯಾದಿಂದ ವಲಸೆ ಬಂದವರ ಸಂಖ್ಯೆಯೇ 15 ಲಕ್ಷ ಎಂದು ಮೂಲಗಳು ಹೇಳಿವೆ.