ಜಯಪುರ(ಇಂಡೊನೇಷ್ಯಾ): ಪಪುವಾ ಪ್ರಾಂತ್ಯದಲ್ಲಿ ಭದ್ರತಾ ಪಡೆಗಳು ಮತ್ತು ಬಂಡುಕೋರ ಗುಂಪಿನ ನಡುವೆ ಮುಂದುವರಿದ ಘರ್ಷಣೆಯಲ್ಲಿ ಇಂಡೊನೇಷ್ಯಾದ ಪೊಲೀಸ್ ಅಧಿಕಾರಿ ಮತ್ತು ಐವರು ಪಪುವಾ ಬಂಡುಕೋರರು ಹತ್ಯೆಯಾಗಿದ್ದಾರೆ.
ಈ ಬಂಡುಕೋರರು ತಿಂಗಳ ಆರಂಭದಲ್ಲಿ ಪುಂಕಾಕ್ ಜಿಲ್ಲೆಯ ಬಿಯೋಗ ಹಳ್ಳಿಯ ಕೆಲವು ಶಾಲೆಗಳಿಗೆ ಬೆಂಕಿ ಇಟ್ಟು, ಇಬ್ಬರು ಶಿಕ್ಷಕರನ್ನು ಗುಂಡಿಕ್ಕೆ ಹತ್ಯೆ ಮಾಡಿದ್ದರು. ನಂತರ ಪಪುವಾ ಪ್ರಾಂತ್ಯದಲ್ಲಿ ಭದ್ರತಾ ಪಡೆಗಳು ಮತ್ತು ಬಂಡುಕೋರರ ನಡುವೆ ಸಂಘರ್ಷ ಆರಂಭವಾಗಿತ್ತು.
ದಾಳಿಕೋರರ ಪತ್ತೆಗಾಗಿ ಪೊಲೀಸರು, ಮಿಲಿಟರಿ ಮತ್ತು ಗುಪ್ತಚರ ಪಡೆಗಳು ಜಂಟಿಯಾಗಿ ಕಾರ್ಯಾಚರಣೆ ಆರಂಭಿಸಿದ್ದವು. ಈ ದಾಳಿಕೋರರು ಪಶ್ಚಿಮ ಪಪುವಾ ವಿಮೋಚನಾ ಸಂಘಟನೆಗೆ ಸೇರಿದ ಬಂಡುಕೋರರಾಗಿದ್ದರು ಎಂಬುದು ಸೇನೆಯ ಅಧಿಕಾರಿಗಳ ನಂಬಿಕೆಯಾಗಿತ್ತು.
