2014ರ ಒಪ್ಪಂದದಂತೆ ಮೊರೊ ಇಸ್ಲಾಮಿಕ್ ಲಿಬರೇಶನ್ ಫ್ರಂಟ್ ಪ್ರತ್ಯೇಕ ರಾಷ್ಟ್ರದ ಬೇಡಿಕೆಯನ್ನು ಕೈಬಿಟ್ಟಿತ್ತು, ಅದಕ್ಕೆ ಪ್ರತಿಯಾಗಿ ಬಂಗ್ಸಮೊರೊ ಎಂಬ ಮುಸ್ಲಿಂ ಸ್ವಾಯತ್ತ ಪ್ರದೇಶದ ರಚನೆಗೆ ಒಪ್ಪಿಕೊಳ್ಳಲಾಗಿತ್ತು. ಇದೀಗ ಈ ಪ್ರಾಂತ್ಯವನ್ನು ಮಾಜಿ ಗೆರಿಲ್ಲಾ ನಾಯಕರು ಮುನ್ನಡೆಸುತ್ತಿದ್ದು, ತಾತ್ಕಾಲಿಕ ಅಧಿಕಾರ ಹಸ್ತಾಂತರ ಅವಧಿ 2025ರಲ್ಲಿ ಕೊನೆಗೊಳ್ಳಲಿದೆ. ಒಪ್ಪಂದದಂತೆ ಸೂಕ್ತ ಜೀವನ ವ್ಯವಸ್ಥೆ ಕಲ್ಪಿಸಿದ್ದೇ ಆದಲ್ಲಿ ತಮ್ಮ ಶಸ್ತ್ರಾಸ್ತ್ರ ತ್ಯಜಿಸುವುದಾಗಿ ಸುಮಾರು 40 ಸಾವಿರದಷ್ಟಿರುವ ಗೆರಿಲ್ಲಾಗಳ ಪೈಕಿ ಅರ್ಧದಷ್ಟು ಮಂದಿ ಈಗಾಗಲೇ ತಿಳಿಸಿದ್ದಾರೆ. ಈ ಒಪ್ಪಂದದಂತೆ ನಡೆದುಕೊಳ್ಳುತ್ತಿಲ್ಲ ಎಂಬುದೇ ಸದ್ಯದ ಸಂಘರ್ಷದ ಮೂಲವಾಗಿದೆ.