ಸಿಡ್ನಿ ಪ್ರವಾಹ: 32 ಸಾವಿರ ಜನರ ಸ್ಥಳಾಂತರಕ್ಕೆ ಸಿದ್ಧತೆ

ನಗರದಲ್ಲಿ ಶುಕ್ರವಾರದಿಂದ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದ ಅಣೆಕಟ್ಟೆಗಳು ತುಂಬಿ ಹರಿಯುತ್ತಿವೆ ಮತ್ತು ಹಲವು ಮಾರ್ಗಗಳು ಸಂಪರ್ಕ ಕಡಿದುಕೊಂಡಿವೆ. ನಗರದ 50 ಲಕ್ಷ ಜನರು ಪ್ರವಾಹದ ತುರ್ತು ಪರಿಸ್ಥಿತಿ ಎದುರಿಸುವಂತಾಗಿದೆ.

’ಸದ್ಯದ ಮಾಹಿತಿ ಪ್ರಕಾರ ಕಳೆದ 18 ತಿಂಗಳಲ್ಲಿ ಉಂಟಾದ ಪ್ರವಾಹಗಳಲ್ಲಿ ಇದು ಭೀಕರವಾಗಿದೆ. ಪ್ರಸ್ತುತ ಪ್ರವಾಹವು ಹಲವು ಪ್ರದೇಶಗಳಿಗೆ ಹಾನಿ ಉಂಟು ಮಾಡಲಿದೆ. ಸ್ಥಳಾಂತರಿಸುವ ಆದೇಶದಿಂದ ಜನರು ಆತಂಕಗೊಂಡಿದ್ದಾರೆ ‘ ಎಂದು ವಿಪತ್ತು ನಿರ್ವಹಣಾ ಸಚಿವ ಮುರ್ರೆ ವ್ಯಾಟ್ ಅವರು ಆಸ್ಟ್ರೇಲಿಯಾ ಬ್ರಾಡ್‌ಕಾಸ್ಟಿಂಗ್‌ ಕಾರ್ಪೋರೇಷನ್ ತಿಳಿಸಿದ್ದಾರೆ.