ಅಸ್ಟ್ರಾಜೆನಿಕಾ ಲಸಿಕೆ ಶೇ 79ರಷ್ಟು ಪರಿಣಾಮಕಾರಿ

ಸುಮಾರು 30 ಸಾವಿರ ಸ್ವಯಂ ಸೇವಕರನ್ನು ಈ ಅಧ್ಯಯನಕ್ಕೆ ಒಳಪಡಿಸಲಾಗಿದ್ದು, ಅದರಲ್ಲಿ 20 ಸಾವಿರ ಮಂದಿಗೆ ಲಸಿಕೆ ನೀಡಿ, ಉಳಿದವರಿಗೆ ಡಮ್ಮಿ ಲಸಿಕೆ ನೀಡಲಾಗಿತ್ತು. ಈ ಅಧ್ಯಯನದ ಫಲಿತಾಂಶವನ್ನು ಸೋಮವಾರ ಪ್ರಕಟಿಸಲಾಗಿದೆ.

ಆಸ್ಟ್ರಾಜೆನಿಕಾ ಲಸಿಕೆ ಕುರಿತು ಆರಂಭದಲ್ಲಿ ಅಮೆರಿಕ ನಡೆಸಿದ ಅಧ್ಯಯನದ ಅಂಶಗಳನ್ನು ಆಹಾರ ಮತ್ತು ಔಷಧ ಆಡಳಿತಕ್ಕೆ(ಎಫ್‌ಡಿಎ) ಸಲ್ಲಿಸಬೇಕಾಗಿದೆ. ಇಲಾಖೆಯು, ಲಸಿಕೆಯ ತುರ್ತು ಬಳಕೆಗೆ ಅನುಮತಿ ನೀಡಲು ನಿರ್ಧರಿಸುವ ಮುನ್ನ, ಎಫ್‌ಡಿಎ ಸಲಹಾ ಸಮಿತಿ ನೀಡಿರುವ ಲಸಿಕೆ ಹಿಂದಿನ ಸಾಕ್ಷ್ಯಗಳನ್ನು ಸಾರ್ವಜನಿಕವಾಗಿ ಚರ್ಚೆಗೆ ಒಳಪಡಿಸಲಾಗುತ್ತದೆ.