ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಎರಡು ಗ್ರಾಮಗಳ ಮೇಲೆ ಉಗ್ರಗಾಮಿಗಳ ದಾಳಿ ಕನಿಷ್ಠ 100 ಮಂದಿ ಸಾವು

Last Updated 4 ಜನವರಿ 2021, 6:54 IST
ಅಕ್ಷರ ಗಾತ್ರ

ನಿಯಾಮೆ: ‘ಇಸ್ಲಾಮಿಕ್ ಉಗ್ರಗಾಮಿಗಳು ಮಾಲಿಗೆ ಹೊಂದಿಕೊಂಡಿರುವ ಗಡಿಯಲ್ಲಿ ನೈಜೆರ್ ಸಮೀಪ ಎರಡು ಗ್ರಾಮಗಳ ಮೇಲೆ ದಾಳಿ ನಡೆಸಿದ್ದು, ಕನಿಷ್ಠ 100 ಜನರು ಮೃತಪಟ್ಟಿದ್ದಾರೆ’ ಎಂದು ನೈಜೀರಿಯಾದ ಪ್ರಧಾನಿ ತಿಳಿಸಿದ್ದಾರೆ.

‘ಎರಡೂ ಗ್ರಾಮಗಳಿಗೆ ಭೇಟಿ ನೀಡಿದ್ದ ಪ್ರಧಾನಿ ಬ್ರಿಗಿ ರಫಿನಿ ಅವರು, ‘ಭಾನುವಾರ ಈ ದಾಳಿ ನಡೆದಿದೆ. ಮೃತರಿಗೆ ಸಂತಾಪ ಸೂಚಿಸಲು, ಗ್ರಾಮಸ್ಥರಿಗೆ ನೈತಿಕ ಸ್ಥೈರ್ಯ ತುಂಬುವ ಉದ್ದೇಶದಿಂದ ತಾವು ಭೇಟಿ ನೀಡಿದ್ದಾಗಿ’ ತಿಳಿಸಿದರು.

‘ಗಡಿ ಭಾಗದ ಟಿಲ್ಲಾಬೆರಿ ವಲಯದಲ್ಲಿನ ಗ್ರಾಮಗಳ ನಿವಾಸಿಗಳು ಅಭದ್ರ ಸ್ಥಿತಿಯಲ್ಲಿದ್ದಾರೆ. ಸ್ಥಳೀಯರು ಇಬ್ಬರು ಸಹಚರರನ್ನು ಕೊಂದರು ಎಂದು ರೋಷಗೊಂಡು ಈ ಕೃತ್ಯ ಎಸಗಿದ್ದಾರೆ. ಪಶ್ಚಿಮ ಆಫ್ರಿಕಾ ಚುನಾವಣಾ ಆಯೋಗ ಅಧ್ಯಕ್ಷೀಯ ಚುನಾವಣೆಯ ಎರಡನೇ ಸುತ್ತಿನ ಪ್ರಕ್ರಿಯೆ ಆರಂಭವಾಗಲಿದೆ ಎಂದು ಘೋಷಿಸಿದ ಹಿಂದೆಯೇ ಈ ದಾಳಿ ನಡೆದಿದೆ’‌ ಎಂದು ತಿಳಿಸಿದರು.

ನೈಜೆರ್‌ ವಲಯದಲ್ಲಿ ಹಲವು ಬಾರಿ ಇಸ್ಲಾಮಿಕ್‌ ಉಗ್ರಗಾಮಿಗಳು ದಾಳಿ ನಡೆಸಿದ್ದಾರೆ. ನೈಜೀರಿಯಾ ಮೂಲದ, ಇಸ್ಲಾಮಿಕ್‌ ಸ್ಟೇಟ್ ಸಮೂಹದ ಅಲ್‌–ಖೈದಾ ಜೊತೆ ಗುರುತಿಸಿಕೊಂಡಿರುವ ಬೊಕೊ ಹರಾಮ್ ಸಂಘಟನೆಯೂ ಕೂಡಾ ಇದರಲ್ಲಿ ಸೇರಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT