ಮಂಗಳವಾರ, ಮಾರ್ಚ್ 2, 2021
19 °C
ಜೋ ಬೈಡನ್ ಆಡಳಿತ ಪ್ರಮುಖ ಹುದ್ದೆಗೆ ನೇಮಕವಾದ ಕಾಶ್ಮೀರ ಮೂಲದ ಎರಡನೇ ಅಧಿಕಾರಿ

ಅಮೆರಿಕದ ಎನ್‌ಇಸಿ ಉಪ ನಿರ್ದೇಶಕಿಯಾಗಿ ಭಾರತ ಮೂಲದ ಸಮೀರಾ ಫಾಝಿಲಿ ನೇಮಕ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ಅಮೆರಿಕ ಚುನಾಯಿತ ಅಧ್ಯಕ್ಷ ಜೋ ಬೈಡನ್ ಅವರು, ಭಾರತೀಯ – ಅಮೆರಿಕನ್ ಸಮೀರಾ ಫಾಝಿಲಿ ಅವರನ್ನು ಶ್ವೇತಭವನದ ರಾಷ್ಟ್ರೀಯ ಆರ್ಥಿಕ ಮಂಡಳಿಯ ಉಪ ನಿರ್ದೇಶಕರಾಗಿ ನೇಮಕ ಮಾಡಿದ್ದಾರೆ.

ಫಾಝಿಲಿ ಅವರ ನೇಮಕವನ್ನು ಬೈಡನ್–ಕಮಲಾ ಹ್ಯಾರಿಸ್‌ ಅವರ ಅಧಿಕಾರ ಹಸ್ತಾಂತರ ಪ್ರಕ್ರಿಯೆಯ ತಂಡ ಶುಕ್ರವಾರ ಪ್ರಕಟಿಸಿದೆ.

ರಾಷ್ಟ್ರೀಯ ಆರ್ಥಿಕ ಮಂಡಳಿಯು ದೇಶದ ಆರ್ಥಿಕ ನೀತಿ ಸಿದ್ಧಪಡಿಸುವ ಪ್ರಕ್ರಿಯೆಯನ್ನು ಸಂಯೋಜಿಸುವ ಜತೆಗೆ ಅಮೆರಿಕ ಅಧ್ಯಕ್ಷರಿಗೆ ಆರ್ಥಿಕ ನೀತಿ ಕುರಿತು ಸಲಹೆ ನೀಡುತ್ತದೆ.

ಫಾಝಿಲಿ ಅವರು ಪ್ರಸ್ತುತ ಬೈಡನ್ – ಕಮಲಾ ಹ್ಯಾರಿಸ್‌ ಅವರ ಅಧಿಕಾರ ಹಸ್ತಾಂತರ ತಂಡದಲ್ಲಿ ಆರ್ಥಿಕ ತಂಡದ ಭಾಗವಾಗಿದ್ದಾರೆ. ಈ ಹಿಂದೆ ಅವರನ್ನು ಅಟ್ಲಾಂಟಾದ ಫೆಡರಲ್ ರಿಸರ್ವ್ ಬ್ಯಾಂಕ್‌ಗೆ ನೇಮಿಸಲಾಗಿತ್ತು. ಅಲ್ಲಿ ಅವರು ಸಮುದಾಯ ಮತ್ತು ಆರ್ಥಿಕ ಅಭಿವೃದ್ಧಿ ವಿಭಾಗದಲ್ಲಿ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದರು.

ಫಾಝಿಲಿ ಅವರು ಬೈಡನ್ ಆಡಳಿತದಲ್ಲಿ ಪ್ರಮುಖ ಹುದ್ದೆ ಅಲಂಕರಿಸಿರುವ ಎರಡನೇ ಕಾಶ್ಮೀರ ಮೂಲದ ಭಾರತೀಯ ಅಮೆರಿಕನ್. ಕಾಶ್ಮೀರ ಮೂಲದ ಭಾರತೀಯ– ಅಮೆರಿಕನ್ ಆಶಾ ಸಿಂಗ್ ಅವರನ್ನು ಇಂಥದ್ದೇ ಪ್ರಮುಖ ಹುದ್ದೆಯೊಂದಕ್ಕೆ ಡಿಸೆಂಬರ್‌ನಲ್ಲಿ ನೇಮಿಸಲಾಗಿದೆ. 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು