ಮಂಗಳವಾರ, ಜೂನ್ 22, 2021
29 °C
ಡೆಮಾಕ್ರಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ

ಹೋರಾಟದೊಂದಿಗೆ ಬೆಳೆದು ಬಂದ ಕಮಲಾ: ಜೋ ಬೈಡನ್ ಶ್ಲಾಘನೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ಜೀವನದುದ್ದಕ್ಕೂ ಹೋರಾಡುತ್ತಲೇ ಬದುಕು ರೂಪಿಸಿಕೊಂಡ ಸೆನಟರ್ ಕಮಲಾ ಹ್ಯಾರಿಸ್ ಅವರು ಅಮೆರಿಕದಲ್ಲಿ ಪ್ರಾಬಲ್ಯ ಹೊಂದಿರುವ ಸೆನಟರ್ ಆಗಿದ್ದಾರೆ. ಅವರ ಬದಕಿನ ಕಥೆ ಒಂದು ರೀತಿ ಅಮೆರಿಕದವರ ಕಥೆಯೇ ಆಗಿದೆ ಎಂದು ಡೆಮಾಕ್ರಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬೈಡನ್ ಶ್ಲಾಘಿಸಿದ್ದಾರೆ.

ಇಲ್ಲಿ ನಡೆಯುತ್ತಿರುವ ಡೆಮಾಕ್ರಟಿಕ್ ಪಕ್ಷದ ರಾಷ್ಟ್ರೀಯ ಸಮಾವೇಶದಲ್ಲಿ ಡೆಮಾಕ್ರಟಿಕ್ ಪಕ್ಷದಿಂದ ಅಮೆರಿಕದ ಅಧ್ಯಕ್ಷ ಸ್ಥಾನದ ಅಭ್ಯರ್ಥಿಯಾಗಿ ಅಧಿಕೃತವಾಗಿ ಘೋಷಣೆಯಾದ ನಂತರ ಅವರು ಮಾತನಾಡಿದರು.

’ಅಮೆರಿಕದ ನಾಗರಿಕರಿಗೆ ನೀಡಿದ ಭರವಸೆಗಳನ್ನು ಈಡೇರಿಸುವುದು ಅಧ್ಯಕ್ಷರಾಗುವವರ ಆದ್ಯ ಕರ್ತವ್ಯ. ಆದರೆ, ನಾನೊಬ್ಬನೇ ಆ ಕೆಲಸ ಮಾಡುವುದು ಅಸಾಧ್ಯವಾಗಿದೆ. ಜನರಿಗೆ ನೀಡಿರುವ ಭರವಸೆಗಳನ್ನು ಈಡೇರಿಸಲು ಉಪಾಧ್ಯಕ್ಷರು ಜತೆಯಾಗುತ್ತಿದ್ದಾರೆ’ ಎಂದು ಅವರು ಹೆಮ್ಮೆಯಿಂದ ಹೇಳಿದ್ದಾರೆ. ಇದೇ ವೇಳೆ ಕಮಲಾ ಅವರ ಕುಟುಂಬದವರನ್ನು ಪರಿಚಯಿಸುತ್ತಾ, ಅವರು ಈ ಹಂತದವರೆಗೆ ಬೆಳೆಯುವುದಕ್ಕೆ ಎಷ್ಟೆಲ್ಲ ಅಡೆತಡೆಗಳನ್ನು ಎದುರಿಸಿದರು ಎಂಬುದನ್ನು ವಿವರಿಸಿದರು.

’ಕಮಲಾ ಅವರ ಬದುಕಿನ ಕಥೆ, ಅಮೆರಿಕದವರ ಕಥೆಯೂ ಆಗಿದೆ. ನಮ್ಮ ದೇಶದಲ್ಲಿ ಮಹಿಳೆ, ಕಪ್ಪು ಮಹಿಳೆ, ಕಪ್ಪು ಅಮೆರಿಕನ್ನರು, ದಕ್ಷಿಣ ಏಷ್ಯಾ ಅಮೆರಿಕನ್ನರು, ವಲಸಿಗರು ಎಂಬಂತಹ ವಿಭಜನೆಯೊಂದಿಗೆ ಜೀವನದಲ್ಲಿ ಯಾರು ಏನೆಲ್ಲ ಕಷ್ಟಗಳನ್ನು ಅಡೆತಡೆಗಳನ್ನು ಎದುರಿಸಿದ್ದಾರೆಂಬುದು ಅವರಿಗೆ ಗೊತ್ತಿದೆ. ಕಮಲಾ ಅವರು ಇವನ್ನೆಲ್ಲ ಎದುರಿಸಿ ಬೆಳೆದು ಬಂದಿದ್ದಾರೆ’ ಎಂದು ಶ್ಲಾಘಿಸಿದರು.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು