ವಾಷಿಂಗ್ಟನ್‌: ಉಕ್ರೇನಿಗೆ ಅತ್ಯಾಧುನಿಕ ಮಧ್ಯಮ ಶ್ರೇಣಿಯ ರಾಕೆಟ್‌ ವ್ಯವಸ್ಥೆಗಳನ್ನು ಕಳುಹಿಸಿಕೊಡುವುದಾಗಿ ಅಮೆರಿಕ ತಿಳಿಸಿದೆ.
ಡಾನ್‌ಬಾಸ್‌ ಪ್ರದೇಶದಲ್ಲಿ ರಷ್ಯಾಗೆ ಪ್ರತಿರೋಧ ನೀಡಲು ಪ್ರಬಲ ಶಸ್ತ್ರಾಸ್ತ್ರಗಳ ಅಗತ್ಯವಿದೆ ಎಂದು ಉಕ್ರೇನ್‌ ಬೇಡಿಕೆ ಇಟ್ಟ ಹಿನ್ನೆಲೆಯಲ್ಲಿ ಅಲ್ಪ ಪ್ರಮಾಣದ ರಾಕೆಟ್‌ ವ್ಯವಸ್ಥೆ ರವಾನೆಗೆ ಅಮೆರಿಕ ನಿರ್ಧರಿಸಿದೆ.
ರಷ್ಯಾ ವಿರುದ್ಧದ ಹೋರಾಟಕ್ಕೆ ಉಕ್ರೇನಿಗೆ ಒದಗಿಸಲಾಗುತ್ತಿರುವ 5,420 ಕೋಟಿ ರೂಪಾಯಿ (700 ಮಿಲಿಯನ್‌ ಡಾಲರ್‌) ಸೇನಾ ನೆರವಿನ ಭಾಗವಾಗಿ ರಾಕೆಟ್‌ ವ್ಯವಸ್ಥೆ, ಹೆಲಿಕಾಪ್ಟರ್‌, ಯುದ್ಧತಂತ್ರದ ವಾಹನಗಳನ್ನು ರವಾನಿಸಲಾಗುತ್ತಿದೆ ಎಂದು ಸರ್ಕಾರದ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
