ಬೀಜಿಂಗ್: ಚೀನಾವು ತೈವಾನ್ ಅತಿಕ್ರಮಣಕ್ಕೆ ಮುಂದಾದರೆ ಅಮೆರಿಕದ ಪಡೆಗಳು ತೈವಾನ್ ಪರವಾಗಿ ನಿಲ್ಲಲಿವೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಭಾನುವಾರ ಎಚ್ಚರಿಸಿದ್ದಾರೆ.
ಸಿಬಿಎಸ್ ನ್ಯೂಸ್ಗೆ ನೀಡಿದ ಸಂದರ್ಶನದಲ್ಲಿ ಅವರು ಈ ಮಾತು ಹೇಳಿದ್ದಾರೆ. ಬೈಡನ್ ಭರವಸೆಗೆ ತೈವಾನ್ನ ವಿದೇಶಾಂಗ ಸಚಿವಾಲಯ ಸೋಮವಾರ ಕೃತಜ್ಞತೆ ಅರ್ಪಿಸಿದೆ.
‘ತೈವಾನ್ ಮತ್ತು ಚೀನಾ ನಡುವಣ ಬಿಕ್ಕಟ್ಟು ಶಾಂತಿಯುತವಾಗಿ ಬಗೆಹರಿಯಬೇಕೆಂದು ಅಮೆರಿಕ ಬಯಸುತ್ತದೆ. ಈ ವಿಷಯದಲ್ಲಿ ಅಮೆರಿಕ ನೀತಿ ಬದಲಾಗಿಲ್ಲ ಎಂದು ಶ್ವೇತಭವನ ಸ್ಪಷ್ಪಪಡಿಸಿದೆ’ ಎಂದು ಸಿಬಿಎಸ್ ನ್ಯೂಸ್ ವರದಿ ಮಾಡಿದೆ.
ಬೈಡನ್ ಭೇಟಿ ಉದ್ದೇಶವಿಲ್ಲ: ಇರಾನ್ ಅಧ್ಯಕ್ಷ
ತೆಹ್ರಾನ್ ವರದಿ:ವಿಶ್ವಸಂಸ್ಥೆ ಸಾಮಾನ್ಯ ಅಧಿವೇಶನದ ಸಂದರ್ಭದಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರನ್ನು ಭೇಟಿ ಮಾಡುವ ಉದ್ದೇಶವಿಲ್ಲ ಎಂದು ಇರಾನ್ ಅಧ್ಯಕ್ಷ ಇಬ್ರಾಹಿಮ್ ರೈಸಿ ಅವರು ಹೇಳಿದ್ದಾರೆ.