ಲಂಡನ್‌: ಎರಡು ಬಾರಿ ಪ್ರತಿಷ್ಠಿತ ಬೂಕರ್‌ ಪ್ರಶಸ್ತಿಗೆ ಭಾಜನರಾದ ಮೊದಲ ಬ್ರಿಟಿಷ್‌ ಲೇಖಕಿ, ಕಾದಂಬರಿಗಾರ್ತಿ ಹಿಲರಿ ಮಾಂಟೆಲ್ (70) ನಿಧನರಾದರು ಎಂದು ಪ್ರಕಾಶಕ ಸಂಸ್ಥೆ 4ನೇ ಎಸ್ಟೇಟ್ ಬುಕ್ಸ್ ಶುಕ್ರವಾರ ತಿಳಿಸಿದೆ.
ವೂಲ್ಫ್‌ ಹಾಲ್‌ ಮತ್ತು ಬ್ರಿಂಗ್‌ ಅಪ್‌ ದ ಬಾಡೀಸ್‌ ಕೃತಿಗೆ ಮಾಂಟೆಲ್ ಅವರಿಗೆ ಬೂಕರ್‌ ಪ್ರಶಸ್ತಿ ಲಭಿಸಿತ್ತು.
‘ಪ್ರೀತಿಯ ಲೇಖಕಿ ಹಿಲರಿ ಮಾಂಟೆಲ್ ಅವರ ನಿಧನ ಆಘಾತ ಉಂಟುಮಾಡಿದೆ. ಇವರ ಅಗಲಿಕೆ ಸಾಹಿತ್ಯಲೋಕಕ್ಕೆ ತುಂಬಲಾರದ ನಷ್ಟ. ಅತ್ಯುತ್ಕೃಷ್ಟವಾದ ಕೃತಿಗಳನ್ನುನೀಡಿದ್ದಕ್ಕಾಗಿ ನಾವು ಕೃತಜ್ಞರಾಗಿರುತ್ತೇವೆ’ ಎಂದು ಪ್ರಕಾಶಕ ಸಂಸ್ಥೆ ಹೇಳಿಕೆ ಬಿಡುಗಡೆ ಮಾಡಿದೆ.
