ಜಪಾನ್‌ ಪ್ರಧಾನಿ ಶಿಂಜೊ ಉತ್ತರಾಧಿಕಾರಿ ಆಯ್ಕೆ ಆರಂಭ

ಜಪಾನ್‌ ಆಡಳಿತ ಪಕ್ಷವನ್ನು ಮುನ್ನಡೆಸುವ ಸಮರ್ಥವಾದ ಅಭ್ಯರ್ಥಿಯ ಆಯ್ಕೆಯೂ ನಡೆದಿದ್ದು ಪಕ್ಷದ ಆಂತರಿಕ ಚುನಾವಣೆಯ ಪ್ರಚಾರ ಕಾರ್ಯ ಆರಂಭವಾಗಿದೆ.

ಶಿಂಜೊ ಅಬೆ ಅವರ ಬಲಗೈಭಂಟ ಹಾಗೂ ಸಚಿವ ಸಂಪುಟದ ಕಾರ್ಯದರ್ಶಿ 71ರ ಹರೆಯದ ಯೊಸಿಹಿಡೆ ಸುಗಾ ಅವರು ಲಿಬರಲ್ ಡೆಮಾಕ್ರಟಿಕ್ ಅಭ್ಯರ್ಥಿಯಾಗಿ ಕಳೆದವಾರ ಔಪಚಾರಿಕವಾಗಿ ಉಮೇದುವಾರಿಕೆ ಸಲ್ಲಿಸಿದ್ದಾರೆ. ಇವರ ವಿರುದ್ಧ ಮಾಜಿ ರಕ್ಷಣಾ ಸಚಿವ ಶಿಗೆರು ಇಶಿಬಾ ಮತ್ತು ಮಾಜಿ ವಿದೇಶಾಂಗ ಸಚಿವ ಫುಮಿಯೊ ಕಿಶಿದ (ಇಬ್ಬರೂ 63ರ ಹರೆಯದವರು) ಕಣಕ್ಕಿಳಿದಿದ್ದಾರೆ.

ಈಗಾಗಲೇ ಆಡಳಿತ ಪಕ್ಷಕ್ಕೆ ಸಂಸತ್ತಿನಲ್ಲಿ ಬಹುಮತವಿರುವುದರಿಂದ,ಸೆಪ್ಟೆಂಬರ್ 14ರಂದು ಪಕ್ಷದ ಆಂತರಿಕ ಚುನಾವಣೆಯಲ್ಲಿ ಆಯ್ಕೆಯಾಗುವವರು ಜಪಾನ್‌ನ ಮುಂದಿನ ಪ್ರಧಾನಿಯಾಗುತ್ತಾರೆ.