ಬೀಜಿಂಗ್: ಚೀನಾ ಗುರುವಾರ ನೈಋತ್ಯ ಭಾಗದ ಸಿಚುವಾನ್ ಪ್ರಾಂತ್ಯದಲ್ಲಿರುವ ಕ್ಸಿಚಾಂಗ್ ಉಪಗ್ರಹ ಉಡ್ಡಯನ ಕೇಂದ್ರದಿಂದ 3 ಹೊಸ ದೂರಸಂವೇದಿ ಉಪಗ್ರಹಗಳನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.
ಯವೊಗಾನ್-35ಗೆ ಸೇರಿದ ಈ ಉಪಗ್ರಹಗಳನ್ನು ಗುರುವಾರ ಬೆಳಿಗ್ಗೆ 10.22 ಗಂಟೆಗೆ ಲಾಂಗ್ ಮಾರ್ಚ್-2ಡಿ ರಾಕೆಟ್‌ ಮೂಲಕ ಉಡಾವಣೆ ಮಾಡಲಾಗಿದ್ದು, ಯಶಸ್ವಿಯಾಗಿ ಕಕ್ಷೆಗೆ ಸೇರಿವೆ ಎಂದು ಸರ್ಕಾರಿ ಸ್ವಾಮ್ಯದ ಮಾಧ್ಯಮ ವರದಿ ಮಾಡಿದೆ.
ಈ ಉಪಗ್ರಹಗಳನ್ನು ಮುಖ್ಯವಾಗಿ ವಿಜ್ಞಾನ ಪ್ರಯೋಗಗಳು, ಭೂಮಿಯ ಸಂಪನ್ಮೂಲಗಳ ಸಮೀಕ್ಷೆ, ಕೃಷಿ ಉತ್ಪನ್ನಗಳು, ವಿಪತ್ತು ತಡೆ ಸೇರಿದಂತೆ ಇನ್ನಿತರ ಕಾರ್ಯಗಳಿಗಾಗಿ ಬಳಸಲಾಗುತ್ತದೆ ಎಂದು ವರದಿಯಾಗಿದೆ.
