ಅಮೆರಿಕ ಮುಂದಿನ ಗುರಿ ನಾವೇ: ಚೀನಾದಿಂದ ರಷ್ಯಾ ಪರ ಜನಾಂದೋಲನಕ್ಕೆ ಯತ್ನ

ಹೀಗಾಗಿ ನಾವು ಯಾವುದೇ ಕಾರಣ ಮತ್ತು ಯಾವುದೇ ಹಂತದಲ್ಲಿ ರಷ್ಯಾವನ್ನು ಬಿಟ್ಟುಕೊಡಲೇಬಾರದು ಎಂಬ ಜನಾಭಿಪ್ರಾಯವನ್ನು ಮೂಡಿಸುವ ಕೆಲಸಕ್ಕೆ ಚೀನಾ ಕೈಹಾಕಿದೆ. ಇದಕ್ಕಾಗಿ ದೇಶದ ಮಾಧ್ಯಮಗಳಲ್ಲಿ ರಷ್ಯಾ ವಿರುದ್ಧದ ಅಂಶಗಳನ್ನು ಪ್ರಕಟಿಸಬಾರದು ಎಂಬ ಸ್ಪಷ್ಟ ಸೂಚನೆಯನ್ನೂ ನೀಡಲಾಗಿದೆ ಎಂದು ತಿಳಿದುಬಂದಿದೆ.

ಶಾಲಾ ಪಠ್ಯಕ್ರಮದಿಂದಲೇ ಅಮೆರಿಕ ವಿರೋಧಿ ನಿಲುವ ಪೋಷಿಸುತ್ತಿರುವ ಚೀನಾ ಸರ್ಕಾರ, ಜಾಗತಿಕ ಮಟ್ಟದಲ್ಲಿ ನಾಯಕನಾಗಿ ಹೊರಹೊಮ್ಮುವ ಚೀನಾದ ಸಾಮರ್ಥ್ಯಕ್ಕೆ ತಡೆಯೊಡ್ಡಲು ಅಮೆರಿಕ ಯತ್ನಿಸುತ್ತಿದೆ. ರಷ್ಯಾದ ಕಳವಳಗಳನ್ನು ಅರ್ಥೈಸಿಕೊಳ್ಳದ ಅಮೆರಿಕ ಮತ್ತು ಯುರೋಪ್ ಒಕ್ಕೂಟಗಳೇ ಈ ಯುದ್ಧಕ್ಕೆ ನೇರ ಕಾರಣ. ತನ್ನ ನೆರೆಯ ಪ್ರಜಾಪ್ರಭುತ್ವ ರಾಷ್ಟ್ರವನ್ನು ನ್ಯಾಟೊ ಕೂಟಕ್ಕೆ ಸೇರಿಸಿಕೊಳ್ಳಬಹುದು ಎಂಬ ಭೀತಿಯಿಂದಾಗಿ ಈ ಯುದ್ಧ ಸಾರಲಾಗಿದೆ ಎಂದು ಚೀನಾ ರಷ್ಯಾವನ್ನು ಸಮರ್ಥಿಸಿಕೊಂಡಿದೆ.

ದೇಶದ ನಿಲುವೇ ನಮ್ಮ ನಿಲುುವು ಎಂದು ಪ್ರಕಟಿಸಿರುವ ಚೀನಾದ ಕ್ಯಾಪಿಟಲ್ ನ್ಯೂಸ್ ಎಂಬ ಚೀನಾ ಪತ್ರಿಕೆ, ಚೀನಾ ಎಂದಿಗೂ ಜವಾಬ್ದಾರಿಯುತ ಸ್ಥಾನ ನಿರ್ವಹಿಸುತ್ತದೆ. ಆದರೆ ಉಕ್ರೇನ್ ರಷ್ಯಾ ಮತ್ತು ಯುರೋಪ್ ದೇಶಗಳ ಮಧ್ಯೆ ತಟಸ್ಥವಾಗಿರಬೇಕು ಎಂಬ ರಷ್ಯಾದ ಬೇಡಿಕೆಯನ್ನು ಸಮರ್ಥಿಸಿಕೊಂಡಿದೆ. ಅಲ್ಲದೆ ಉಕ್ರೇನ್ ಪೂರ್ವ ಮತ್ತು ಪಶ್ಚಿಮ ದೇಶಗಳ ಮಧ್ಯೆ ಸೇತುವೆಯಂತಿರಬೇಕು. ಆದರೆ ವಿಶ್ವದ ಶಕ್ತಿಯುತ ದೇಶಗಳ ನಡುವಿನ ತಿಕ್ಕಾಟಕ್ಕೆ ವೇದಿಕೆಯಾಗಬಾರದು ಎಂದು ಅದು ಅಭಿಪ್ರಾಯಪಟ್ಟಿದೆ.