ಬುಧವಾರ, ಸೆಪ್ಟೆಂಬರ್ 22, 2021
29 °C

ಶುದ್ಧ ಇಂಧನ ಬಳಕೆ: ಪ್ರಧಾನಿ ಮೋದಿ ಕ್ರಮಕ್ಕೆ ಅಮೆರಿಕ ಶ್ಲಾಘನೆ

ಪಿಟಿಐ Updated:

ಅಕ್ಷರ ಗಾತ್ರ : | |

ಹವಾಮಾನ ಬದಲಾವಣೆ ತಡೆಯಲು ಕ್ರಮವಹಿಸಲು ಆಗ್ರಹಿಸಿರುವುದು–ಸಾಂದರ್ಭಿಕ ಚಿತ್ರ

ವಾಷಿಂಗ್ಟನ್‌: ‘ಭಾರತದಲ್ಲಿ ಕೋವಿಡ್‌–19 ಪಿಡುಗು ಹಲವಾರು ಸವಾಲುಗಳನ್ನು ಒಡ್ಡಿದೆ. ಈ ನಡುವೆಯೂ, ದೇಶದಲ್ಲಿ ಶುದ್ಧ ಇಂಧನ ಉತ್ಪಾದನೆ, ಬಳಕೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಪರಿಣಾಮಕಾರಿ ಕ್ರಮಗಳನ್ನು ಕೈಗೊಳ್ಳುತ್ತಿರುವುದು ಸ್ವಾಗತಾರ್ಹ’ ಎಂದು ಅಮೆರಿಕ ಹೇಳಿದೆ.

ಹವಾಮಾನ ಬದಲಾವಣೆಗೆ ಸಂಬಂಧಿಸಿ ಅಮೆರಿಕದ ವಿಶೇಷ ಪ್ರತಿನಿಧಿಯಾಗಿರುವ ಜಾನ್‌ ಕೆರ‍್ರಿಯವರ ಹಿರಿಯ ಸಲಹೆಗಾರ ಜೋನಾಥನ್‌ ಪರ್ಶಿಂಗ್‌ ಅವರು ಸಂಸದೀಯ ಸಮಿತಿಗೆ ಈ ವಿಷಯ ತಿಳಿಸಿದ್ದಾರೆ.

‘ಹವಾಮಾನ ಬದಲಾವಣೆಗೆ ಸಂಬಂಧಿಸಿದ ಕಾರ್ಯಕ್ರಮಗಳ ಅನುಷ್ಠಾನದಲ್ಲಿಅಮೆರಿಕ ಹಾಗೂ ಭಾರತ ಬದ್ಧತೆ ಹೊಂದಿರುವ ಪಾಲುದಾರ ರಾಷ್ಟ್ರಗಳಾಗಿವೆ’ ಎಂದೂ ಅವರು ಸಮಿತಿಗೆ ತಿಳಿಸಿದರು.

‘ಯುಎಸ್‌–ಇಂಡಿಯಾ ಕ್ಲೈಮೇಟ್‌ ಆ್ಯಂಡ್‌ ಕ್ಲೀನ್‌ ಎನರ್ಜಿ ಅಜೆಂಡಾ–2030 ಪಾರ್ಟನರ್‌ಶಿಪ್‌’ ಒಪ್ಪಂದಕ್ಕೆ ಅಮೆರಿಕ ಹಾಗೂ ಭಾರತ ಕಳೆದ ಏಪ್ರಿಲ್‌ನಲ್ಲಿ ಸಹಿ ಹಾಕಿವೆ.  ಪರಿಸರಕ್ಕೆ ಹಾನಿ ಮಾಡದಂತಹ ಶುದ್ಧ ಇಂಧನ, ತಂತ್ರಜ್ಞಾನಗಳ ಬಳಕೆ ಹಾಗೂ ಹವಾಮಾನ ಬದಲಾವಣೆ ತಡೆಗಾಗಿ ಕಾರ್ಯಸೂಚಿಯನ್ನು ಉಭಯ ದೇಶಗಳು ರೂಪಿಸಿವೆ’ ಎಂದೂ ಪರ್ಶಿಂಗ್‌ ಹೇಳಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು