ಟೊರಂಟೊ: ಹೊಸತಾದ ವೈಜ್ಞಾನಿಕ ಪರೀಕ್ಷೆಯಲ್ಲಿ ಕೋವಿಡ್-19 ಪಿಡುಗಿನಿಂದ ರೋಗಿಗಳು ಬೇಗನೇ ಚೇತರಿಸಿಕೊಳ್ಳಲು ಸಾಧ್ಯವಾಗಲಿದೆ ಎಂದು ಟೊರಂಟೊ ಮೂಲದ ವಿಜ್ಞಾನಿಗಳು ತಿಳಿಸಿದ್ದಾರೆ.
ವೈಜ್ಞಾನಿಕ ಪ್ರಯೋಗದ ಹಂತದಲ್ಲಿರುವ ಲಸಿಕೆಯು ಹೆಚ್ಚು ಪರಿಣಾಮಕಾರಿಯೆನಿಸಿಕೊಳ್ಳಲಿದ್ದು, ರೋಗಿಗಳು ಆಸ್ಪತ್ರೆಗೂ ಹೋಗುವ ಅಗತ್ಯವಿರುವುದಿಲ್ಲ ಎಂದು ಹೇಳಿದೆ.
ಲ್ಯಾನ್ಸೆಟ್ ರೆಸ್ಪಿರೇಟರಿ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಈ ಬಗ್ಗೆ ಉಲ್ಲೇಖಿಸಲಾಗಿದ್ದು, ಪೆಜಿಂಟರ್ಫೆರಾನ್-ಲಾಂಬ್ಡಾ (peginterferon-lambda) ಚುಚ್ಚು ಮದ್ದು ಪಡೆದ ರೋಗಿಗಳು ಏಳು ದಿನಗಳಲ್ಲಿ ರೋಗಮುಕ್ತಿ ಹೊಂದುತ್ತಾರೆ ಎಂದು ಹೇಳಲಾಗಿದೆ.
ವರ್ಲ್ಡೋಮೀಟರ್ ಪ್ರಕಾರ, ಫೆಬ್ರವರಿ 8ರ ವೇಳೆಗೆ ಜಗತ್ತಿನಾದ್ಯಂತ ಒಟ್ಟು 106,781,473 ಕೊರೊನಾ ವೈರಸ್ ಪ್ರಕರಣಗಳು ದಾಖಲಾಗಿದೆ. ಈ ಪೈಕಿ 2,329,275 ಮಂದಿ ಮೃತಪಟ್ಟಿದ್ದಾರೆ.