ನ್ಯೂಯಾರ್ಕ್: 2023ರಿಂದ ಶಾಲೆಗಳಿಗೆ ದೀಪಾವಳಿ ರಜೆ ನೀಡುವುದಾಗಿ ಇಲ್ಲಿನ ಮೇಯರ್ ಎರಿಕ್ ಆ್ಯಡಮ್ಸ್ ಹೇಳಿದ್ದಾರೆ.
‘ಶಾಲೆಗಳಿಗೆ ರಜೆ ನೀಡುವುದರಿಂದ ಬೆಳಕಿನ ಹಬ್ಬದ ಕುರಿತು ಮಕ್ಕಳಲ್ಲಿ ಅರಿವು ಮೂಡಿಸಿದಂತಾಗುತ್ತದೆ. ಹಲವು ವರ್ಷಗಳ ಹಿಂದೆಯೇ ಈ ಕ್ರಮ ಕೈಗೊಳ್ಳಬೇಕಿತ್ತು. ಎಲ್ಲರನ್ನೂ ಒಳಗೊಳ್ಳುವ ಒಂದು ಉತ್ತಮ ಸಂದೇಶವನ್ನು ಈ ಕ್ರಮವು ನೀಡಲಿದೆ’ ಎಂದು ಎರಿಕ್ ಆ್ಯಡಮ್ಸ್ ಅಭಿಪ್ರಾಯಪಟ್ಟರು.
ಶಾಲೆಗಳಿಗೆ ದೀಪಾವಳಿ ರಜೆ ನೀಡುವ ನಿರ್ಧಾರ ಮಾಡಿರುವುದಕ್ಕೆ ನ್ಯೂಯಾರ್ಕ್ನಲ್ಲಿರುವ ಭಾರತದ ಕಾನ್ಸುಲ್ ಜನರಲ್ ರಣಧೀರ್ ಜೈಸ್ವಾಲ್ ಅವರು ಆ್ಯಡಮ್ಸ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ.