ವಾಷಿಂಗ್ಟನ್: ಅಮೆರಿಕದ ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಯಾಗಿ ಕೆತಂಜಿ ಬ್ರೌನ್ ಜಾಕ್ಸನ್ ಅವರ ನೇಮಕವನ್ನು ಸೆನೆಟ್ ಗುರುವಾರ ದೃಢೀಕರಿಸಿದೆ.
ಇವರು ಅಮೆರಿಕದ ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಯಾಗಿ ನೇಮಕಗೊಂಡಿರುವ ಮೊದಲ ಕಪ್ಪುವರ್ಣೀಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಜಾಕ್ಸನ್ ಅವರನ್ನು ನ್ಯಾಯಮೂರ್ತಿ ಹುದ್ದೆಗೆ ಅಧ್ಯಕ್ಷ ಜೋ ಬೈಡನ್ ನಾಮನಿರ್ದೇಶನ ಮಾಡಿದ್ದರು. ಸೆನೆಟ್ ಸದಸ್ಯರು ಈ ನಾಮನಿರ್ದೇಶನದ ಪರ ಮತ ಚಲಾಯಿಸುವ ಮೂಲಕ ಜಾಕ್ಸನ್ ಅವರ ನೇಮಕಾತಿಯನ್ನು ದೃಢೀಕರಿಸಿದರು.
ಈ ವರೆಗೆ 115 ನ್ಯಾಯಮೂರ್ತಿಗಳು ಸುಪ್ರೀಂಕೋರ್ಟ್ನಲ್ಲಿಕರ್ತವ್ಯ ನಿರ್ವಹಿಸಿದ್ದು, ಈ ಪೈಕಿ 17 ಮಂದಿ ಮುಖ್ಯನ್ಯಾಯಮೂರ್ತಿ ಹುದ್ದೆಯಲ್ಲಿ ಸೇವೆ ಸಲ್ಲಿಸಿದ್ದಾರೆ.