ಬ್ರಿಟನ್‌ ರಾಣಿ ಪಟ್ಟಕ್ಕೇರಿ 70 ವರ್ಷ: ಭಾರತೀಯ ಮೂಲದ ನಟನ ನೇತೃತ್ವದಲ್ಲಿ ಸಮಾರಂಭ

ಭಾರತೀಯ ಮೂಲದ ನಟ ಅಜಯ್‌ ಛಾಬ್ರಾ ಮತ್ತು ಅವರ ಕಂಪನಿಈ ಅದ್ದೂರಿ ಸಮಾರಂಭದ ಹೊಣೆ ಹೊತ್ತಿದ್ದು, ಬಾಲಿವುಡ್‌ ವಿವಾಹ ಪಾರ್ಟಿಯಂತೆ ಕಾರ್ಯಕ್ರಮವನ್ನು ಆಯೋಜಿಸಲಿದೆ. ಅದಕ್ಕಾಗಿ 6 ಮೀಟರ್‌ ಉದ್ದದ ನಾಲ್ಕು ಸ್ತರದ ಕೇಕ್‌ ಮತ್ತು ವಿಶೇಷವಾಗಿ ವಿನ್ಯಾಸಗೊಳಿಸಿದ ಸೀರೆಯನ್ನು ಸಿದ್ಧಪಡಿಸಲಾಗಿದೆ. ಕೇಕ್‌ನಲ್ಲಿರಾಣಿ ಎಲಿಜಬೆತ್‌ ಆಳ್ವಿಕೆಯ ಬೆಳ್ಳಿಹಬ್ಬ, ಸುವರ್ಣ ಮಹೋತ್ಸವ, ವಜ್ರ ಮಹೋತ್ಸವ ಮತ್ತು ಅಮೃತ ಮಹೋತ್ಸವದ ಮೈಲುಗಲ್ಲುಗಳನ್ನು ಗುರುತಿಸಲಾಗಿದೆ.

ಎಲಿಜಬೆತ್‌ ಮತ್ತು ರಾಜಕುಮಾರ ಫಿಲಿಪ್‌ ಅವರ 1947ರಲ್ಲಿ ನಡೆದ ವೈಭವದ ವಿವಾಹ ಮಹೋತ್ಸವನ್ನೇ ಪ್ರೇರಣೆಯಾಗಿ ತೆಗೆದುಕೊಂಡು ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.ನಾಲ್ಕು ದಿನಗಳ ಸಮಾರಂಭದಲ್ಲಿ 7 ದಶಕದ ಆಳ್ವಿಕೆಯಲ್ಲಿನ ದಾಖಲೆಗಳು ಮತ್ತು ಸಾಮಾಜಿಕ ಪರಿವರ್ತನೆಯನ್ನು ವಿವಿಧ ರೀತಿಯಲ್ಲಿ ಮರುಸೃಷ್ಟಿಸುವ ಕಾರ್ಯಕ್ರಮಗಳು ನಡೆಯಲಿವೆ.