ನ್ಯೂಯಾರ್ಕ್: ವಿಮಾನದಲ್ಲಿ ತನ್ನ ಪಕ್ಕ ಕುಳಿತಿದ್ದ ಬಾಲಕನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಭಾರತೀಯ ಮೂಲದ 41 ವರ್ಷದ ವ್ಯಕ್ತಿಯೊಬ್ಬರಿಗೆ 15 ತಿಂಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ.
ಬೋಸ್ಟನ್ನಿಂದ ಮಿನ್ನಿಯಾಪೊಲೀಸ್ಗೆ ತೆರಳುತ್ತಿದ್ದ ವಿಮಾನವೊಂದರಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ ನೀರಜ್ ಚೋಪ್ರಾಗೆ ಜಿಲ್ಲಾ ನ್ಯಾಯಾಧೀಶ ನ್ಯಾನ್ಸಿ ಇ.ಬ್ರಸೆಲ್ ಸೆರೆವಾಸ ವಿಧಿಸಿದ್ದಾರೆ ಎಂದು ಅಮೆರಿಕದ ನ್ಯಾಯಾಂಗ ಇಲಾಖೆಯು ಹೇಳಿಕೆಯೊಂದರಲ್ಲಿ ತಿಳಿಸಿದೆ.
ಮೂರು ದಿನಗಳ ವಿಚಾರಣೆಯ ನಂತರ ಕಳೆದ ವರ್ಷ ಜುಲೈನಲ್ಲಿ ನೀರಜ್ ಅನ್ನು ಅಪರಾಧಿ ಎಂದು ಘೋಷಿಸಲಾಗಿತ್ತು.
2019ರ ಏಪ್ರಿಲ್ನಲ್ಲಿ ಬೋಸ್ಟನ್ನಿಂದ ಮಿನ್ನಿಯಾಪೊಲೀಸ್ಗೆ ತೆರಳುತ್ತಿದ್ದ ಬ್ಲ್ಯೂ ಜೆಟ್ ವಿಮಾನದಲ್ಲಿ ಚೋಪ್ರಾ ತನ್ನ ಪಕ್ಕ ಕುಳಿತಿದ್ದ 16 ವರ್ಷದ ಬಾಲಕನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ನ್ಯಾಯಾಲಯದ ದಾಖಲೆಗಳಿಂದ ಗೊತ್ತಾಗಿದೆ.