ಮೃತರನ್ನು ಡಾ.ಭರತ್ ನರುಮಂಚಿ ಎಂದು ಗುರುತಿಸಲಾಗಿದೆ. ಮಂಗಳವಾರ ‘ಚಿಲ್ಡ್ರನ್ಸ್ ಮೆಡಿಕಲ್ ಗ್ರೂಪ್’(ಸಿಎಂಜಿ) ಕಚೇರಿಗೆ ಗನ್ ಹಿಡಿದು ತೆರಳಿದ್ದ ಭರತ್, ಕಟ್ಟಡದೊಳಗಿದ್ದವರನ್ನು ಒತ್ತೆಯಾಳಾಗಿರಿಸಿದ್ದರು. ಈ ಸಂದರ್ಭದಲ್ಲಿ ಕೆಲವರು ತಪ್ಪಿಸಿಕೊಂಡಿದ್ದು, ಶಿಶುವೈದ್ಯೆ ಕ್ಯಾಥರೀನ್ ಡಾಡ್ಸನ್ ಎಂಬುವವರನ್ನು ಹೊರತುಪಡಿಸಿ ಉಳಿದೆಲ್ಲರನ್ನೂ ಭರತ್ ಹೋಗುವಂತೆ ತಿಳಿಸಿದ್ದರು ಎಂದು ಆಸ್ಟಿನ್ ಪೊಲೀಸ್ ಅಧಿಕಾರಿ ಲೆ.ಜೆಫ್ ಗ್ರೀನ್ವಾಲ್ಟ್ ಹೇಳಿದರು.