ಟೊಕಿಯೊ (ಎಪಿ): ನೈರುತ್ಯ ಜಪಾನ್ ನಗರದಲ್ಲಿ ಕೋತಿಗಳ ಹಾವಳಿ ವಿಪರೀತವಾಗಿದ್ದು, ನರ್ಸರಿ ಶಾಲೆಗಳಲ್ಲಿನ ಪುಟ್ಟ ಮಕ್ಕಳನ್ನೂ ಹೊತ್ತೊಯ್ಯಲು ಪ್ರಯತ್ನಿಸುತ್ತಿವೆ. ಅಲ್ಲದೆ ಜನರ ಮೇಲೂ ದಾಳಿ ಮಾಡುತ್ತಿವೆ.
ಜುಲೈ 8ರಿಂದ ಈಚೆಗೆ 58 ಜನರ ಮೇಲೆ ಮಂಗಗಳು ದಾಳಿ ಮಾಡಿವೆ. ಹೀಗಾಗಿಯಮಗುಚಿ ನಗರದಲ್ಲಿ ‘ಟ್ರಾಂಕ್ವಿಲೈಸರ್ ಬಂದೂಕ’ನ್ನು ಬಳಸಿ ಪ್ರಾಣಿಗಳನ್ನು ಸೆರೆ ಹಿಡಿಯುವ ಘಟಕವನ್ನು ಆರಂಭಿಸಲಾಗಿದೆ.
ಕೋತಿಗಳ ದಾಳಿಯಿಂದ ಈವರೆಗೆ ಯಾರೂ ಗಂಭೀರವಾಗಿ ಗಾಯಗೊಂಡಿಲ್ಲ. ಆದರೆ ಕೆಲ ಪ್ರಕರಣಗಳಲ್ಲಿ ಆಂಬುಲೆನ್ಸ್ ಮೂಲಕ ದಾಳಿಗೊಳಗಾದವರನ್ನು ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ. ಮುಂಜಾಗ್ರತಾ ಕ್ರಮವಾಗಿ ದಾಳಿಗೆ ಒಳಗಾದವರೆಲ್ಲರನ್ನೂ ಆಸ್ಪತ್ರೆಗೆ ತೆರಳಿ ಚಿಕಿತ್ಸೆ ಪಡೆಯುವಂತೆ ಸೂಚಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.