ಚೀನಾದಲ್ಲಿನ ಮಾನವ ಹಕ್ಕುಗಳ ಉಲ್ಲಂಘನೆ ಬಗ್ಗೆ ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಕಳವಳ

ಚೀನಾ– ಅಮೆರಿಕ ನಡುವಿನ ವರ್ಚುವಲ್‌ ಶೃಂಗಸಭೆಯಲ್ಲಿ ಮಾತನಾಡಿದ ಬೈಡನ್‌ ಅವರು, ತೈವಾನ್‌ನಲ್ಲಿನ ಯಥಾಸ್ಥಿತಿ ಬದಲಾವಣೆಯ ಕ್ರಮ ಸರಿಯಲ್ಲ ಎಂದು ಚೀನಾಗೆ ಎಚ್ಚರಿಕೆ ನೀಡಿದ್ದಾರೆ.

ತೈವಾನ್‌ನ ಯಥಾಸ್ಥಿತಿ ಬದಲಿಸುವ ಕ್ರಮವನ್ನು ಬಲವಾಗಿ ಖಂಡಿಸಿರುವ ಬೈಡನ್‌ ಅವರು, ತೈವಾನ್‌ ಜಲಸಂಧಿಯಲ್ಲಿ ಶಾಂತಿ ಮತ್ತು ಸ್ಥಿರತೆ ಕಾಯ್ದುಕೊಳ್ಳಬೇಕು ಎಂದು ಒತ್ತಿ ಹೇಳಿದ್ದಾರೆ ಎಂದ ಶ್ವೇತಭವನ ತಿಳಿಸಿದೆ.

‘ಕೆಂಪುಗೆರೆ’ ದಾಟಿದರೆ ಕ್ರಮ– ಚೀನಾ ಎಚ್ಚರಿಕೆ (ಬೀಜಿಂಗ್ ವರದಿ) : ತೈವಾನ್‌ ಸ್ವಾತಂತ್ರ್ಯ ಪರವಾದ ಪಡೆಗಳು ‘ಕೆಂಪುಗೆರೆ’ ದಾಟಿದರೆ, ಚೀನಾ ನಿರ್ಣಾಯಕ ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ ಎಂದು ಚೀನಾ ಅಧ್ಯಕ್ಷ ಷಿ ಜಿನ್‌ಪಿಂಗ್‌ ಅವರು ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಅವರಿಗೆ ಹೇಳಿದ್ದಾರೆ ಎಂದು ಚೀನಾದ ಸರ್ಕಾರಿ ಮಾಧ್ಯಮ ತಿಳಿಸಿದೆ.

ಉಭಯ ನಾಯಕರ ನಡುವಿನ ಶೃಂಗಸಭೆಯು ರಚನಾತ್ಮಕ, ಫಲಪ್ರದ, ವಸ್ತುನಿಷ್ಠವಾಗಿ ನಡೆದಿದೆ’ ಚೀನಾದ ಅಧಿಕೃತ ಸುದ್ಧಿ ಸಂಸ್ಥೆ ಕ್ಸಿನ್ಹುವಾ ಹೇಳಿದೆ.