ಉಕ್ರೇನ್‌ ಬಿಕ್ಕಟ್ಟು: ರಷ್ಯಾ, ಅಮೆರಿಕದತ್ತ ಫ್ರಾನ್ಸ್‌, ಜರ್ಮನಿ ನಾಯಕರು

ಉಕ್ರೇನ್‌ನ ಗಡಿಯಲ್ಲಿ ಸುಮಾರು 1 ಲಕ್ಷ ರಷ್ಯನ್‌ ಪಡೆ ಜಮಾಯಿಸಿದ್ದು, ಯಾವುದೇ ಕ್ಷಣದಲ್ಲಿ ಉಕ್ರೇನ್ ಮೇಲೆ ದಾಳಿ ನಡೆಸುವ ಆತಂಕ ಮನೆಮಾಡಿದೆ.

‘ರಷ್ಯಾ ಯಾವಾಗ ಬೇಕಾದರೂ ಉಕ್ರೇನ್‌ ಅನ್ನು ಆಕ್ರಮಿಸಬಹುದು. ಇದು ದೊಡ್ಡ ಮಾನವ ಸಂಘರ್ಷಕ್ಕೆ ಕಾರಣವಾಗಲಿದೆ’ ಎಂದು ಶ್ವೇತ ಭವನದ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್‌ ಸುಲ್ಲಿವಾನ್‌ ಎಚ್ಚರಿಸಿದ್ದಾರೆ. ‌

ಆದರೆ ಈ ಆರೋಪವನ್ನು ರಷ್ಯಾ ತಳ್ಳಿ ಹಾಕುತ್ತಲೇ ಬಂದಿದ್ದು, ಉಕ್ರೇನ್‌ ಮತ್ತು ಸೋವಿಯತ್‌ ಒಕ್ಕೂಟದ ಇತರ ರಾಷ್ಟ್ರಗಳು ನ್ಯಾಟೊ ಸೇರುವಂತೆ ಒತ್ತಾಯ ಮಾಡಬಾರದು ಎಂದು ತಿಳಿಸಿದೆ.