ಮೆಕ್ಸಿಕೊ ಸಿಟಿ: ಮೆಕ್ಸಿಕೊದ ಅತಿ ದೊಡ್ಡ ರಾಜ್ಯವಾದ ‘ದಿ ಸ್ಟೇಟ್ ಆಫ್ ಮೆಕ್ಸಿಕೊ’ ಸಲಿಂಗ ವಿವಾಹಕ್ಕೆ ಮಂಗಳವಾರ ಒಪ್ಪಿಗೆ ನೀಡಿತು.
ಸಲಿಂಗ ವಿವಾಹ ಅಂಗೀಕಾರದ ಪರವಾಗಿರಾಜ್ಯದ ಶಾಸಕರು ಮತ ನೀಡಿದರು. ಈ ಮೂಲಕ, ಮೆಕ್ಸಿಕೊದ 32 ರಾಜ್ಯಗಳ ಪೈಕಿ 29 ರಾಜ್ಯಗಳುಸಲಿಂಗ ವಿವಾಹವನ್ನು ಅಂಗೀಕರಿಸಿದಂತಾಗಿದೆ.
‘ಸಲಿಂಗ ವಿವಾಹಕ್ಕೆ ಒಪ್ಪಿಗೆ ನೀಡಿರುವ 29ನೇ ರಾಜ್ಯವಾಗುವ ಮೂಲಕ ನಾವು ಅಸಮಾನತೆಯನ್ನು ಕಡಿಮೆ ಮಾಡುವತ್ತ ಹೆಜ್ಜೆ ಇಟ್ಟಿದ್ದೇವೆ. ದಿ ಸ್ಟೇಟ್ ಆಫ್ ಮೆಕ್ಸಿಕೊ ಯಾರಿಗೂ ಹಿಂದೆ ಉಳಿಯಲು ಬಿಡುವುದಿಲ್ಲ ಎಂಬ ಸಂದೇಶವನ್ನು ದೇಶಕ್ಕೆ ರವಾನಿಸಿದ್ದೇವೆ’ ಎಂದು ಶಾಸಕ ಪವೊಲಾ ಜಿಮೇನೆಜ್ ಹೇಳಿದ್ದಾರೆ.