ಪ್ಯಾರಿಸ್: ಫ್ರಾನ್ಸ್‌ನ ಬ್ರಿಟಾನಿ ಪ್ರಾಂತ್ಯದಲ್ಲಿ ಹೊಸ ಮಾದರಿಯ ವೈರಸ್ ಒಂದು ಪತ್ತೆಯಾಗಿದೆ. ಈ ಬಗ್ಗೆ ಫ್ರೆಂಚ್ ಆರೋಗ್ಯ ಸಚಿವಾಲಯ ಸೋಮವಾರ ತಡರಾತ್ರಿ ಹೇಳಿಕೆ ಪ್ರಕಟಿಸಿದೆ.
ಹೊಸ ಆವೃತ್ತಿಯ ಕೋವಿಡ್ ವೈರಸ್ ಕುರಿತು ಆರಂಭಿಕ ಹಂತದ ಪರಿಶೀಲನೆ ನಡೆಸಲಾಗಿದೆ. ಆದರೆ ನೂತನ ವೈರಸ್ ಇತರ ರೂಪಾಂತರಿ ಕೋವಿಡ್ ವೈರಸ್‌ಗೆ ಹೋಲಿಸಿದರೆ ಹೆಚ್ಚು ಅಪಾಯಕಾರಿಯಲ್ಲ ಮತ್ತು ಹರಡುವುದಿಲ್ಲ ಎನ್ನುವುದು ಪತ್ತೆಯಾಗಿದೆ ಎಂದು ಸಚಿವಾಲಯ ಹೇಳಿದೆ.
ಲ್ಯಾನಿನ್‌ನ ಆಸ್ಪತ್ರೆಯೊಂದರಲ್ಲಿ ಕೋವಿಡ್ ಪರೀಕ್ಷೆ ನಡೆಸುತ್ತಿರುವಾಗ ನೂತನ ಮಾದರಿಯ ವೈರಸ್ ಪತ್ತೆಯಾಗಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಈಗಾಗಲೇ ಜಪಾನ್ ಮತ್ತು ಬ್ರೆಝಿಲ್‌ನಲ್ಲಿ ಕೂಡ ರೂಪಾಂತರಿ ಕೋವಿಡ್ ವೈರಸ್ ಪತ್ತೆಯಾಗಿ ಆತಂಕ ಮೂಡಿಸಿತ್ತು.
