ಢಾಕಾ (ಪಿಟಿಐ): ತೈಲ ಸಾಗಾಣಿಕೆಗೆ ಭಾರತದೊಂದಿಗೆ ಗಡಿಯಾಚೆಗಿನ ಪೈಪ್‌ಲೈನ್‌ ಹೊಂದುವುದು ಇಂಧನ ಭದ್ರತೆ ದೃಷ್ಟಿಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ ಎಂದು ಬಾಂಗ್ಲಾದೇಶದ ಪ್ರಧಾನಿ ಶೇಖ್‌ ಹಸೀನಾ ಹೇಳಿದರು.
ಬಾಂಗ್ಲಾದೇಶ-ಭಾರತ ನಡುವಿನ ‘ಫ್ರೆಂಡ್‌ಶಿಪ್‌ ಪೈಪ್‌ಲೈನ್‌’ ಅನ್ನು ವರ್ಚುವಲ್‌ ಮೂಲಕ ಹಸೀನಾ ಅವರು ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಶನಿವಾರ ಉದ್ಘಾಟಿಸಿದರು. ಈ ಪೈಪ್‌ಲೈನ್‌ 131.5 ಕಿಮೀ ಉದ್ದವಿದೆ.
ಭಾರತ– ಬಾಂಗ್ಲಾ ನಡುವೆ ಉತ್ತಮ ಬಾಂಧವ್ಯವಿದೆ, ಅದು ಹೀಗೆಯೇ ಮುಂದುವರಿಯಬೇಕು ಎಂದರು. ₹377 ಕೋಟಿ ವೆಚ್ಚದಲ್ಲಿ ಪೈಪ್‌ಲೈನ್‌ ನಿರ್ಮಾಣ ಮಾಡಲಾಗಿದ್ದು, ಬಾಂಗ್ಲಾದೇಶವು ಪೆಟ್ರೋಲ್‌, ವಿಶೇಷವಾಗಿ ಭಾರತದಿಂದ ಡೀಸೆಲ್‌ನ್ನು ಆಮದು ಮಾಡಿಕೊಳ್ಳಲಿದೆ.
