ಕಳೆದ 12 ತಿಂಗಳಲ್ಲಿ ಜನರು ಹೊಂದಿದ್ದ ಹುರುಪು, ಅನ್ಯಮನಸ್ಕತೆ ಅಥವಾ ಮನಸ್ಥಿತಿಯನ್ನು ‘ವರ್ಷದ ಪದ’ವು ಬಿಂಬಿಸುತ್ತದೆ. ಇದೇ ಮೊದಲ ಬಾರಿಗೆ ವರ್ಷದ ಪದವನ್ನು ಸಾರ್ವಜನಿಕರ ಮತದ ಮೂಲಕ ಆಯ್ಕೆ ಮಾಡಲಾಗಿದೆ. ಗಾಬ್ಲಿನ್‌ ಮೋಡ್‌, ಮೆಟಾವರ್ಸ್‌ ಮತ್ತು ಹ್ಯಾಷ್‌ಟ್ಯಾಗ್‌ ಐಸ್ಟಾಂಡ್‌ವಿತ್‌ ಪದಗಳಲ್ಲಿ ಒಂದನ್ನು ಆಯ್ಕೆ ಮಾಡಲು ಆಕ್ಸ್‌ಫರ್ಡ್‌ ಭಾಷೆಗಳ ನಿಘಂಟುಕಾರರು ಆಯ್ಕೆ ಸೂಚಿಸಿದ್ದರು. ಅವುಗಳಲ್ಲಿ ಗಾಬ್ಲಿನ್‌ ಮೋಡ್‌ ಅತಿ ಹೆಚ್ಚು ಅಂದರೆ, 3,40,000 ಮತಗಳನ್ನು ಪಡೆಯಿತು ಎಂದು ಆಕ್ಸ್‌ಫರ್ಡ್‌ ಲ್ಯಾಗ್ವೇಜಸ್ ಅಧ್ಯಕ್ಷ ಕಾಸ್ಪರ್‌ ಗ್ರೋತ್‌ವೋಲ್‌ ತಿಳಿಸಿದರು.
