ಪಾಕಿಸ್ತಾನ: ಶೌಖತ್ ತರೀನ್ ನೂತನ ಹಣಕಾಸು ಸಚಿವ

ವೃತ್ತಿಯಿಂದ ಬ್ಯಾಂಕರ್ ಆಗಿರುವ 68 ವರ್ಷದ ತನೀರ್ ಅವರು, ಪಾಕಿಸ್ತಾನ್‌ ಪೀಪಲ್ಸ್‌ ಪಾರ್ಟಿ ನೇತೃತ್ವದ ಸರ್ಕಾರದಲ್ಲಿ (2009–10) ಅಲ್ಪಾವಧಿಯೇ ಈ ಸ್ಥಾನ ನಿಭಾಯಿಸಿದ್ದರು. ತಮ್ಮ ಸಿಲ್ಕ್‌ ಬ್ಯಾಂಕ್‌ಗಾಗಿ ಬಂಡವಾಳ ಸಂಗ್ರಹಿಸುವ ಗುರಿಯೊಂದಿಗೆ ಪದತ್ಯಾಗ ಮಾಡಿದ್ದರು. ಭ್ರಷ್ಟಾಚಾರ ಆರೋಪ ಎದುರಿಸುತ್ತಿರುವ ತರೀನ್‌ ಅವರು ಆರಂಭದಲ್ಲಿ ಹೊಸ ಹೊಣೆ ಒಪ್ಪಲು ನಿರಾಕರಿಸಿದ್ದರು.

ಇವರ ಮೇಲಿದ್ದ ಭ್ರಷ್ಟಾಚಾರ ಆರೋಪಗಳನ್ನು ತನಿಖಾ ಸಂಸ್ಥೆ ನ್ಯಾಷನಲ್‌ ಅಕೌಂಟಬಿಲಿಟಿ ಬ್ಯೂರೊ (ಎನ್‌ಎಬಿ) ಕೈಬಿಡಿಟ್ಟಿದೆಯೇ ಎಂಬುದು ತಕ್ಷಣಕ್ಕೆ ತಿಳಿದುಬಂದಿಲ್ಲ. ಹಲವು ಸಕ್ಕರೆ ಕಾರ್ಖಾನೆಗಳ ಮಾಲೀಕರಾದ ಇವರ ಸಂಬಂಧಿ ಜೆಹಾಂಗೀರ್‌ ತರೀನ್‌ ಕೂಡಾ ಪ್ರಭಾವಿ ರಾಜಕಾರಣಿಯಾಗಿದ್ದು, ಸದ್ಯ ಸಕ್ಕರೆ ಹಗರಣದ ತನಿಖೆ ಎದುರಿಸುತ್ತಿದ್ದಾರೆ.