ಅಫ್ಗಾನ್ ತಾಲಿಬಾನ್‌ ವಶವಾಗಲು ಪಾಕ್ ಗುಪ್ತಚರ ಸಂಸ್ಥೆ ಕೈವಾಡ: ಅಮೆರಿಕ ಸಂಸದ

ಅಫ್ಗಾನಿಸ್ತಾನದ ಮೇಲೆ ತಾಲಿಬಾನ್ ಹಿಡಿತ ಸಾಧಿಸಿರುವುದು ಕ್ರೌರ್ಯಕ್ಕೆ ಕಾರಣವಾಗಲಿದ್ದು, ಇದನ್ನು ಪಾಕಿಸ್ತಾನದಲ್ಲಿ ಸಂಭ್ರಮಿಸುತ್ತಿರುವುದು ಅಸಹ್ಯಕರ ಎಂದು ಅವರು ಹೇಳಿದ್ದಾರೆ.

ಓದಿ:ಮಾಜಿ ಅಧ್ಯಕ್ಷ ಅಶ್ರಫ್ ಘನಿ ಅಫ್ಗಾನಿಸ್ತಾನಕ್ಕೆ ಮರಳಬಹುದು: ತಾಲಿಬಾನ್

‘ಹಿಂದೂ ರಾಜಕೀಯ ಕಾರ್ಯ ಸಮಿತಿ’ಯ ವರ್ಚುವಲ್ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ಅಫ್ಗಾನಿಸ್ತಾನದ ಧಾರ್ಮಿಕ ಅಲ್ಪಸಂಖ್ಯಾತರನ್ನು ಸ್ವಾಗತಿಸುತ್ತಿರುವ ಭಾರತದ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.

‘ಪಾಕಿಸ್ತಾನ ಮತ್ತು ಅದರ ಗುಪ್ತಚರ ಸೇವೆಗಳು ತಾಲಿಬಾನಿಗಳನ್ನು ಬೆಳೆಸುವಲ್ಲಿ ಮತ್ತು ಅಂತಿಮವಾಗಿ ಅವರು ಅಧಿಕಾರ ವಹಿಸಿಕೊಳ್ಳುವಂತೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿರುವುದು ನಮಗೆಲ್ಲರಿಗೂ ತಿಳಿದಿದೆ. ಅಫ್ಗಾನಿಸ್ತಾನದ ಜನರಿಗೆ ಸಂಕಷ್ಟ ತರಬಲ್ಲ ತಾಲಿಬಾನಿಗಳ ಗೆಲುವನ್ನು ಪಾಕಿಸ್ತಾನದ ಅಧಿಕಾರಿಗಳು ಸಂಭ್ರಮಿಸುತ್ತಿರುವುದು ಅಸಹ್ಯಕರ’ ಎಂದು ಅವರು ಹೇಳಿದ್ದಾರೆ.

ಓದಿ:ಫ್ಯಾಕ್ಟ್ ಚೆಕ್: ಮಾರುಕಟ್ಟೆಯಲ್ಲಿ ಅಫ್ಗನ್ ಮಹಿಳೆಯರ ಮಾರಾಟ?

‘ಪಾಕಿಸ್ತಾನವೇ ಧಾರ್ಮಿಕ ಅಲ್ಪಸಂಖ್ಯಾತರಿಗೆ ಕಿರುಕುಳ ನೀಡುತ್ತಿದೆ. ಈ ಬಗ್ಗೆ ಅಮೆರಿಕದವರು ಅಷ್ಟಾಗಿ ಗಮನಹರಿಸಿಲ್ಲ. ಈ ದೌರ್ಜನ್ಯಗಳ ಬಗ್ಗೆ ನಮ್ಮ ನಾಗರಿಕರಿಗೆ ತಿಳಿಸುವ ಪ್ರಯತ್ನ ಮಾಡುತ್ತೇವೆ. ಅಪಹರಣ, ಇಸ್ಲಾಂಗೆ ಬಲವಂತದ ಮತಾಂತರ, ಸಣ್ಣ ವಯಸ್ಸಿನ ಹಿಂದೂ ಯುವತಿಯರನ್ನು ವಯಸ್ಸಾದ ಮುಸ್ಲಿಮರೊಂದಿಗೆ ಬಲವಂತದಿಂದ ಮದುವೆ ಮಾಡಿಸುವುದು ಇತ್ಯಾದಿ ದೌರ್ಜನ್ಯ ನಡೆಯುತ್ತಿವೆ ಎಂದು ಚಾಬಟ್ ಹೇಳಿದ್ದಾರೆ.