ಚಹಾ ಕುಡಿಯುವುದನ್ನು ಕಡಿಮೆ ಮಾಡಲು ಪಾಕಿಸ್ತಾನ ಜನರಿಗೆ ಸರ್ಕಾರ ಮನವಿ: ಕಾರಣವೇನು?

ಆಮದು ವೆಚ್ಚ ಕಡಿಮೆ ಮಾಡುವುದಕ್ಕಾಗಿ ದಿನವೂ ಕಡಿಮೆ ಚಹಾ ಕುಡಿಯಿರಿ ಎಂದು ಪಾಕಿಸ್ತಾನ ಯೋಜನಾ ಸಚಿವ ಆಶ್‌ಸಾನ್ ಇಕ್ಬಾಲ್ ದೇಶದ ಜನರಲ್ಲಿ ಮನವಿ ಮಾಡಿರುವುದಾಗಿ ‘ಬಿಬಿಸಿ’ ವರದಿ ಮಾಡಿದೆ.

ವಿನಿಮಯ ದರ ಕುಸಿತದ ಪರಿಣಾಮ ಎರಡು ತಿಂಗಳಿಗಿಂತಲೂ ಕಡಿಮೆ ಅವಧಿಗೆ ಆಮದು ಮಾಡಿಕೊಳ್ಳುವಷ್ಟು ಮಾತ್ರವೇ ಪಾಕಿಸ್ತಾನದ ಬಳಿ ವಿದೇಶಿ ಕರೆನ್ಸಿ ಮೀಸಲಿದೆ. ಹೀಗಾಗಿ ಆಮದಿಗಾಗಿ ತುರ್ತು ನಿಧಿ ಸಂಗ್ರಹಿಸಬೇಕಾದ ಒತ್ತಡದಲ್ಲಿ ದೇಶವಿದೆ ಎನ್ನಲಾಗಿದೆ.

ಪಾಕ್: ಇಂಧನ ಬೆಲೆ ಏರಿಕೆ, ಕತ್ತೆಯ ಗಾಡಿಯಲ್ಲಿ ಕಚೇರಿಗೆ ಬರಲು ಅನುಮತಿ ಕೇಳಿದ ನೌಕರ

ಪಾಕಿಸ್ತಾನ ವಿಶ್ವದ ಅತಿ ದೊಡ್ಡ ಚಹಾ ಆಮದುದಾರ ದೇಶವಾಗಿದೆ. ಕಳೆದ ವರ್ಷ 60 ಕೋಟಿ ಡಾಲರ್‌ ಮೌಲ್ಯದ (ಅಂದಾಜು ₹4,686.97 ಕೋಟಿ) ಚಹಾ ಆಮದು ಮಾಡಲಾಗಿತ್ತು.

ನಾವು ಸಾಲ ಮಾಡಿ ಚಹಾವನ್ನು ಆಮದು ಮಾಡಿಕೊಳ್ಳುತ್ತಿದ್ದೇವೆ. ಹೀಗಾಗಿ ಪ್ರತಿ ದಿನ ಚಹಾ ಕುಡಿಯುವುದನ್ನು ಒಂದರಿಂದ ಎರಡು ಲೋಟದಷ್ಟು ಕಡಿಮೆ ಮಾಡುವಂತೆ ದೇಶದ ಜನರಲ್ಲಿ ಮನವಿ ಮಾಡುತ್ತಿದ್ದೇನೆ ಎಂದು ಇಕ್ಬಾಲ್ ಹೇಳಿರುವುದಾಗಿ ಪಾಕಿಸ್ತಾನದ ಮಾಧ್ಯಮ ವರದಿ ಮಾಡಿದೆ.

ಲಾಹೋರ್‌ನಲ್ಲಿ ಪೆಟ್ರೋಲ್ ಇಲ್ಲ, ಎಟಿಎಂನಲ್ಲಿ ದುಡ್ಡಿಲ್ಲ: ಮಾಜಿ ಕ್ರಿಕೆಟಿಗ ಹಫೀಜ್

ವಿದ್ಯುತ್ ಉಳಿಸುವುದಕ್ಕಾಗಿ ಉದ್ಯಮ ವಹಿವಾಟುದಾರರು ರಾತ್ರಿ 8.30ರ ಒಳಗಾಗಿ ಅಂಗಡಿ–ಮುಂಗಟ್ಟುಗಳನ್ನು ಮುಚ್ಚಬೇಕು ಎಂದೂ ಅವರು ಸಲಹೆ ನೀಡಿದ್ದಾರೆ.