ವಾರ್ಸಾ(ಪೋಲೆಂಡ್): ಉಕ್ರೇನ್ಗೆ ನೂತನ ಲಿಯೊಪರ್ಡ್ ಟ್ಯಾಂಕರ್ಗಳನ್ನು ಕಳುಹಿಸಲು ಪೋಲೆಂಡ್ ದೇಶವು ಜರ್ಮನಿಯ ಅನುಮತಿ ಕೋರಲಿದೆ ಎಂದು ಪ್ರಧಾನಿ ಮೇಟಸ್ಜ್ ಮೊರಾವಿಕಿ ಅವರು ಸೋಮವಾರ ತಿಳಿಸಿದರು.
ಈ ಸಂಬಂಧ ಯಾವಾಗ ಮನವಿ ಸಲ್ಲಿಸಲಾಗುವುದು ಎಂದು ನಿರ್ದಿಷ್ಟವಾಗಿ ತಿಳಿಸಲಿಲ್ಲ. ‘ರಾಷ್ಟ್ರಗಳ ಜೊತೆಗೆ ಮೈತ್ರಿ ಸಾಧಿಸ ಬಯಸುತ್ತಿರುವ ಪೋಲೆಂಡ್ ಟ್ಯಾಂಕರ್ ಕಳುಹಿಸಲು ಸಿದ್ಧವಿದೆ. ಒಂದು ವೇಳೆ ಜರ್ಮನಿ ಅನುಮತಿ ನೀಡದೇ ಇದ್ದರೂ ಸ್ವತಂತ್ರವಾಗಿ ನಿರ್ಧಾರ ತೆಗೆದುಕೊಳ್ಳಲಾಗುವುದು’ ಎಂದು ತಿಳಿಸಿದರು.
ಟಿ.ವಿ ವಾಹಿನಿ ಜೊತೆಗೆ ಮಾತನಾಡಿದ ಜರ್ಮನಿಯ ವಿದೇಶಾಂಗ ಸಚಿವ ಅನ್ನಲೆನಾ ಬೆರ್ಬಾಕ್, ಪೋಲೆಂಡ್ ಇನ್ನೂ ಔಪಚಾರಿಕವಾಗಿ ಅನುಮತಿ ಕೋರಿಲ್ಲ. ಕೇಳಿದರೂ ಈ ವಿಷಯದಲ್ಲಿ ಮಧ್ಯಪ್ರವೇಶಿಸುವುದಿಲ್ಲ‘ ಎಂದರು.