ಚೀನಾ: ಟಿಬೆಟ್‌ ಸಮೀಪದ ಪ್ರಾಂತ್ಯದಲ್ಲಿ ಪ್ರಬಲ ಭೂಕಂಪ–21 ಸಾವು

ಸಿಚುವಾನ್‌ ಪ್ರಾಂತ್ಯದ ರಾಜಧಾನಿ ಚೆಂಗ್‌ಡುವಿನಿಂದ 226 ಕಿ.ಮೀ.ದೂರದ ಲುಡಿಂಗ್‌ ಕೌಂಟಿಯ ಮುಖ್ಯ ಪಟ್ಟಣದ ಸಮೀಪ ಭೂಕಂಪದ ಕೇಂದ್ರಬಿಂದು ಇತ್ತು ಎಂದು ಚೀನಾಭೂಕಂಪನ ಜಾಲ ಕೇಂದ್ರವನ್ನು ಉಲ್ಲೇಖಿಸಿ ಮಾಧ್ಯಮವೊಂದು ವರದಿ ಮಾಡಿದೆ.

ಚೆಂಗ್‌ಡುವಿನಲ್ಲಿ ಸಹಭೂಕಂಪನದ ಅನುಭವವಾಗಿದೆ. ಅಲ್ಲಿ ಕಟ್ಟಡಗಳು ಅಲುಗಾಡುವ ವಿಡಿಯೊವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ಟಿಬೆಟ್ ಪ್ರಸ್ಥಭೂಮಿ ಭಾರಿ ಭೂಕಂಪಕ್ಕೆ ಕುಖ್ಯಾತಿ ಗಳಿಸಿದೆ. 2008ರಲ್ಲಿ ಇಲ್ಲಿ ಸಂಭವಿಸಿದ 8.2ರಷ್ಟು ತೀವ್ರತೆಯ ಭೂಕಂಪದಲ್ಲಿ 69 ಸಾವಿರ ಜನರು ಸತ್ತಿದ್ದರು ಹಾಗೂ 2013ರಲ್ಲಿ 7 ತೀವ್ರತೆಯ ಭೂಕಂಪದಲ್ಲಿ 200 ಮಂದಿ ಮೃತಪಟ್ಟಿದ್ದರು.

ಈ ಭಾಗದಲ್ಲಿ ಕೋವಿಡ್‌ ಪ್ರಕರಣಗಳು ಹೆಚ್ಚಿರುವಂತೆಯೇ, ಭೂಕಂಪವೂ ಸಂಭವಿಸಿರುವುದರಿಂದ ಜನರ ಆತಂಕ ಇಮ್ಮಡಿಗೊಂಡಿದೆ.