ಇರ್ಬಿಲ್‌, ಇರಾಕ್: ಉತ್ತರ ಇರಾಕ್‌ನ ಗ್ರಾಮವೊಂದರ ಮೇಲೆ ಇಸ್ಲಾಮಿಕ್ ಸ್ಟೇಟ್‌ (ಐಸಿಸ್ಎ) ಉಗ್ರರು ನಡೆಸಿದ ದಾಳಿಯಲ್ಲಿ ಕುರ್ದಿಷ್‌ ಪಡೆಗಳ ಸೈನಿಕರು ಸೇರಿದಂತೆ 12 ಮಂದಿ ಮೃತಪಟ್ಟಿದ್ದಾರೆ ಎಂದು ಕುರ್ದಿಶ್‌ ಮಾಧ್ಯಮ ಶುಕ್ರವಾರ ವರದಿ ಮಾಡಿದೆ.
ಕುರ್ದಿಶ್‌ ಪೇಶ್ಮೆರ್ಗಾ ಪಡೆಯೊಂದಿಗಿನ ಸಂಘರ್ಷದಿಂದಾಗಿ ಐಸಿಸ್ ಉಗ್ರರು ಮಖ್‌ಮೌರ್‌ ಪ್ರದೇಶದ ಗ್ರಾಮವೊಂದರ ಮೇಲೆ ಗುರುವಾರ ತಡರಾತ್ರಿ ದಾಳಿ ನಡೆಸಿದ್ದಾರೆ. ಮೃತರಲ್ಲಿ ಒಂಬತ್ತು ಮಂದಿ ಕುರ್ದಿಶ್‌ ಪಡೆಯ ಸೈನಿಕರು ಮತ್ತು ಮೂವರು ನಾಗರಿಕರು ಸೇರಿದ್ದಾರೆ ಎಂದು ಖಾಸಗಿ ವಾಹಿನಿ ರುಡಾವ್‌ ತನ್ನ ವೆಬ್‌ಸೈಟ್‌ನಲ್ಲಿ ಹೇಳಿದೆ.
